उच्च अदालतके फैसला विरुद्ध कैलालीके भजनीमे प्रदर्शन

धनगढी, ५ पुस । टीकापुर घटना मुद्दामे उच्च अदालत दिपायलसे करल फैसला विरुद्ध कैलालीके भजनीमे विरोध प्रदर्शन हुइल बा ।
राष्ट्रिय जनता पार्टीसे अदालतके फैसला विरुद्धमे संयौंके संख्यामे रहल प्रदर्शनकारीसे नाराबाजी करटी अँट्वारके प्रदर्शन करल हुइट । उहाँहुक्रे प्ले कार्डमे लिखल बा, ‘३४,४४१ जनमतके कदर कर, लाल आयोगके प्रतिवेदन सार्वजनिक कर । कदर कर । थारु पहाडी, मधेसी हम्रे सक्कु नेपाली । रेशम चौधरीलगायत विरुद्ध लगाइल मुद्दा खारेज कर ।’
पुस २ गते उच्च अदालत दिपायलके न्यायाधीसद्वय टेक नारायण कुँवर ओ सीताराम मण्डलके ईजलाससे रेशम चौधरीसहितहे जन्म कैदके फैसला सुनैले बा ।