राष्ट्रपतिसे संसद विघटन, वैशाख १७ ओ २७ गते मध्यावधि चुनाव

काठमाण्डौं, ५ पुस । राष्ट्रपति विद्यादेवी भण्डारी संसद विघटन करले बाटी ।
मन्त्रिपरिषद्के सिफारिसमे राष्ट्रपति भण्डारीसे अँट्वारके दिनके संसद विघटन करल हुइटी । राष्ट्रपतिके कार्यालय शितल निवाससे विज्ञप्ति जारी करटी संसद विघटन करल जानकारी डेहल बा ।
‘संविधानके धारा ७६ के उपधारा ९१० ओ ९७० तथा धारा ८५ एवं संसदीय प्रणालीके आधारभूत मर्म एवं मूल्य मान्यता तथा हमार अपने ओ संसदीय प्रणाली हुइल टमान मुलुकके अभ्यास बमोजिम संघीय संसदके वर्तमान प्रतिनिधि सभा विघटन कैके ताजा जनादेशके लाग नेपाली जनता समक्ष जान मिति २०७८ साल वैशाख १७ गते शुकके पहिल चरणमे ओ मिति २०७८ साल बैशाख २७ गते सोम्मारके दुसरा चरणमे औरे प्रतिनिधि सभाके निर्वाचन सम्पन्न कैना मेरके निर्वाचनके मिति तोक्न नेपाल सरकार, मन्त्रिपरिषद्के बैठकसे निर्णय होके उहे बमोजिम सम्माननीय प्रधानमन्त्रीसे सिफारिस रहल उक्त सिफारिस बमोजिम संघीय संसदके वर्तमान प्रतिनिधि सभा विघटन कैके मिति २०७८ साल वैशाख १७ गते शुक्रबार पहिल चरणमे ओ मिति २०७८ साल वैशाख २७ गते सोमबार दुसरा चरणमे प्रतिनिधि सभाके निर्वाचन सम्पन्न कैना मेरके निर्वाचनके मिति तोकल बा,’ राष्ट्रपति कार्यालयके विज्ञप्तिमे कहल बा ।