थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०३ माघ २६४३, शनिच्चर ]
[ वि.सं ३ माघ २०७७, शनिबार ]
[ 16 Jan 2021, Saturday ]

संचारकर्मीनके बीच कोरोनाके समीक्षा

पहुरा | २९ पुष २०७७, बुधबार
  • 31
  •  
  •  
  •  
  •  
  •  
  •  
  •  
    31
    Shares
संचारकर्मीनके बीच कोरोनाके समीक्षा

पहुरा समाचारदाता
धनगढी, २९ पुस ।
आउटलाइन मिडियाके आयोजनामे सोम्मारके रोज धनगढीमे संचारकर्मीनसे कोरोना भाइरसके पारल प्रभाव ओ सिकाईबारे समिक्षा कैगिल बा ।

कार्यक्रममे सहजीकरण करटी वरिष्ठ पत्रकार राजेन्द्र दाहाल कोरोना पाछे रहना कहटी लापरवाही हेलचकराई नइकरके बहुट सर्तकता अपनाई पर्ना बटैलै । उहाँ कहलै– मै फे कोरोना कोरोना पोजेटिभ हुइनु लागलपाछे एकदम गाह्रो हुइठ, पहिलेक अनुभव फरक रहे ।’ सामाजमे तीन खालके पोजेटिभ, पोजेटिभ हुइना मने लक्षण नइविल्गैना ओ लग्बे नइकैना मनै विल्गाइल बटैलै ।

नेपाल पत्रकार महासंघ कैलालीके अध्यक्ष जगत साउद कोभिडके महामारीसे आम सञ्चार क्षेत्रमे प्रभाव परल बटैलै । उहाँ कहलै, ‘यहाँ १७ ठो दैनिक, ३२ ठो रेडियो ओ ३ ठो टेलिभिजन ओ ढेर अनलाईन बा, ३ सय जाने पत्रकार क्रियाशील हुके काम करटी रहल बटै ।’ यहाँके मिडिया नीजि व्यपारसे चल्टी रहल कारण बन्दाबन्दीमे बन्द हुइल अवस्था, तलब नइपाइल पत्रकार मिडिया छोरल अवस्था उहाँ बटैलै ।

सञ्चार माध्यमसे पोजेटिभ सूचना प्रकाशन तथा प्रसारण करके जनताहुक्रन सचेत बनैटी । महांसंघसे पत्रकारहुकनहे खाद्यन्न, मास्क, सेनिटाईजर लगायतके सामग्री वितरण करल अध्यक्ष साउद बटैलै ।

धनगढी पोष्ट दैनिकके सम्पादक कर्ण शाह कोभिडके सुरुवाटी चरणमे सूचना एकदम गलत तरिकासे बटैलै । उहाँ कहलै, उ बेला भारतसे नेपाल अइना क्रम बढलपाछे एकदम जोखिम हुइल संचारकर्मी एकदम जोखिम मोलके काम करठै ।’ टेलिभिजन ओ रेडियोके पत्रकार झन ढेर मेहनत करल, जोखिममे परलहुकनहे सरकारसे जिम्मा लेहे पर्ना उहाँ बटैलै ।

सीमा क्षेत्रके सवालमे सरकारसे कैसिन पोलिसि बनाइल, कैसिन योजना बनाइल उ बारेमे हम्रे चुक्ली की ? प्रदेश सरकारसे राहतके लाग कार्य विघि नइबनाइल उहाँ कहलै । सम्पादक शाह कहलै, महीहे पोजेटिभ हुइल मने खासे लक्षण नइविल्गाइल स्वाब डेहेबेर स्वाब हेराइल बटैलै ।
पत्रकार शिवराज भट्ट कार्यालयसे प्रेसर करके काममे खटाइल बटैलै । उहाँ कहलै, छिमेकीफे मोर घर आई छोरलै, भैया बहुरीया ओ दुई बच्चा सक्कु पोजेटिभ हुइलपाछे अस्पतालके लापरबाही ढेर विल्गाइल ।’

पत्रकार दिलबहादुर छत्याल कोभिडके त्राससे जनमत सक्रिय हुइल बटैलै । भारतसे लौटलहुक्रन सुरक्षित धारे परठ कहिके मिडियाके भारी भूमिका रहल उहाँ जनैलै ।

अनुमोदन दैनिकके सम्पादक मनमोहन स्वाँर सीमामे टमान दिन बैठल फोटु, लडिया नाघल, लडिया नाघके अर्धनग्न रहल अवस्थामे प्रहरीसे पकरल बजार घरमे फोटु मिडियामे छापल बटैलै ।

उहाँ कहलै, महामारी दुर्घटना प्रकोप बारम्बार नइआइठ, यी बेला कमुइया अवसरके रुपमे लेठै मने हम्रेफे यैसिन बेला सिक्न अवसरके रुपमे लेहे परठ, हम्रे यैसिन बेला कैसिक सामाना करली ओ विश्लेषण करली उ फे सिकाई हो ।’

पत्रकार उन्नती चौधरी लकबन्डीके बेला क्वारेन्टिन ओ आइसोलेशनमे बैठल महिलाहुकन सास्ती भोगे परल बटैली । उहाँ कहली, लकबन्डीके बेला गर्भवती महिला चेकजाँचफे कराई नइपाइल बटैली । कार्यक्रममे आउटलाइन मिडियाके सरोज दाहाल ओ सम्झना पाण्डेफे सहजीकरण करल रहिट ।

  • 31
    Shares

जनाअवजको टिप्पणीहरू