थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २० फागुन २६४४, बिफे ]
[ वि.सं २० फाल्गुन २०७७, बिहीबार ]
[ 04 Mar 2021, Thursday ]

वडा कार्यालयसे लक्षित वर्गहे सम्मान

पहुरा | ९ फाल्गुन २०७७, आईतवार
  •  
  •  
  •  
  •  
  •  
  •  
  •  
  •  
वडा कार्यालयसे लक्षित वर्गहे सम्मान

पहुरा समाचारदाता
हसुलिया, ९ फागुन ।
कैलालीस्थित कैलारी गाउँपालिका वडा नम्बर ७ के वडा कार्यालयसे अँटवारके रोज लक्षित वर्गहे सम्मान करले बा ।

चालू आर्थिक वर्षके लक्षित वर्गके कार्यक्रम अन्तर्गत ज्येष्ठ नागरिक, अपाङ्ता हुइल व्यक्ति, एकल महिलाहे सम्मान करल हो । कार्यक्रममे वडका पहुना रहल गाउँपालिकाके अध्यक्ष लाजुराम चौधरी लक्षित वर्गहे सम्मान करले रहिट ।

वडा भरके ४३७ जनहनहे पाटिर ब्ल्याङकेटके दोसल्ला ओढाके सम्मान करल वडा अध्यक्ष कमलप्रसाद चौधरी जानकारी डेलै । उहाँक अन्सार उ कार्यक्रमके लाग एक लाख १५ हजार रुप्या बजेट विनियोजन करल रहे ।

वडा अध्यक्ष चौधरीके अध्यक्षतामे हुइल कार्यक्रममे कार्यापालिका सदस्य विष्णा सुनार, वडा सदस्य फिरुराम चौधरी, मुसम्पीदेवी चौधरी, सुन्दरप्रसाद चौधरी, वडा कार्यालय सचिव गणेश चौधरी लगायतके उपस्थिति रहल रहे ।

जनाअवजको टिप्पणीहरू