थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १९ फागुन २६४४, बुध ]
[ वि.सं १९ फाल्गुन २०७७, बुधबार ]
[ 03 Mar 2021, Wednesday ]

किसानहुकन कृषि सामग्री वितरण

पहुरा | १० फाल्गुन २०७७, सोमबार
  •  
  •  
  •  
  •  
  •  
  •  
  •  
  •  
किसानहुकन कृषि सामग्री वितरण

पहुरा समाचारदाता
हसुलिया, १० फागुन ।
कैलाली जिल्लाके कैलारी गाउँपालिका–५, छोटीपालियाके सृजना तोरी ब्लक समूह मार्फत किसानहुकनहे कृषि सामग्री वितरण करल बा ।

प्रधानमन्त्री कृषि अधुनिकीकरण अन्तर्गत सृजना तोरी ब्लक समूहमे रहल निम्नास्तरके किसानन्हे कृषि क्षेत्रहे आधुनिक तरिकासे खेती कर्ना सहज होए कहटी पावारटिलर, ईन्जिन ओ स्पेरेट्याङ्की वितरण कैगिल हो ।

कृषि ज्ञान केन्द्र कैलालीके ५० प्रतिशत अनुदानमे किसानहुकनके शनिच्चरके रोज एक कार्यक्रम उ कृषि सामग्री हस्तान्तरण करले रहे ।

पवारटिलर २२ हर्सके ७ ठो, ईन्जिन फिल्ड मारसल (सिफङ्ग) के ७ ठो ओ स्पेरे त्याङ्की १३ ठो किसानके आधा लगानी लगाके लेले बटै । कार्यक्रकके बड्का पहुना कैलारी गाउ“पालिका अध्यक्ष लाजुराम चौधरी उ सामग्री हस्तान्तरण करल रहिट ।

कार्यक्रममे बोल्टी उहाँ तोरी ब्लकहे आधुनिक तरिका मार्फत खेती करके व्यावसाय मुखी बनैनामे जोर डेहल बाट बटाइल रहिट ।

कार्यक्रमके खास पहुना कृषि ज्ञान केन्द्र कैलालीके योजना अधिकृत श्यामराज जोशी तोरी ब्लकहे काम करके आघे बढैना कामके आश्वासन डेहल रहिट । ओस्टेक कैलारी गाउ“पालिका वडा नम्बर ५ के वडाध्यक्ष विष्णुप्रसाद चौधरी, वडा नम्बर ७ के वडाध्यक्ष कमलप्रसाद चौधरी मन्तव्य व्यक्त करल रहिट ।

कार्यक्रममे समूहके सचिव रामकुमार चौधरी १९ लाख ९९ हजार चार सय बराबरके कारोवार करल बटाईल रहित । सृजना तोरी ब्लक समूहके अध्यक्ष रामचन्द्र चौधरीके अध्यक्षतामे कार्यक्रम हुईल हो ।

जनाअवजको टिप्पणीहरू