थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०९ बैशाख २६४५, बिफे ]
[ वि.सं ९ बैशाख २०७८, बिहीबार ]
[ 22 Apr 2021, Thursday ]
.

कृषिमे आधुनिकीकरणके लाग कृषि यन्त्र: मन्त्री चौधरी

पहुरा | १८ फाल्गुन २०७७, मंगलवार
  • 162
  •  
  •  
  •  
  •  
  •  
  •  
  •  
    162
    Shares
कृषिमे आधुनिकीकरणके लाग कृषि यन्त्र: मन्त्री चौधरी

पहुरा समाचारदाता
हसुलिया, १८ फागुन ।
सुदूरपश्चिम प्रदेश सरकारके सहयोगमे कृषि ज्ञान केन्द्र कैलालीके किसानहे मंगरके कृषि यन्त्र वितरण करले बा ।

कैलारी गाउँपालिका–७ का किसानहे ५० प्रतिशत अनुदानमे पावरटिलर, पम्पसेट, कृषि मोटर वितरण करल हो । बसन्तामे आयोजित एक कार्यक्रमके बीच भूमि, व्यवस्था, कृषि तथा सहकारीमन्त्री विनिता चौधरी ओ गाउँपालिकाके अध्यक्ष लाजुराम चौधरी किसानहे कृषि यन्त्र हस्तान्तरण करल रहिट ।

मुख्यमन्त्री एकीकृत कृषि तथा पशु विकास कार्यक्रम अन्तर्गत ज्ञान केन्द्रसे २० जनहनहे पावर टिलर, १६ जनहनहे पम्पसेट ओ ३३ जनहनहे कृषि मोटर डेहल उ वडाके वडा अध्यक्ष कमलप्रसाद चौधरी जानकारी डेलै ।

उ अवसरमे मन्त्री चौधरी प्रदेश सरकारसे कृषिमे आधुनिकीकरणके लाग किसानहे कृषि यन्त्र ओ कृषि ऋण उपलब्ध करैना नीति लेहल बटैली । उहाँ बीयाके लाग भोग्टी आइल समस्या समाधानके लाग किसान अपनहे बीया उत्पादन कैना आवश्यक रहल औंल्याइली ।

ओस्टके, कैलारी गाउँपालिकाके अध्यक्ष चौधरीसे स्थानीय सरकारसे फेन कृषिहे प्राथमिकतामे राखल बटैलै । सबसे ढिउर लगानी कृषिमे करटी आइल उल्लेख कैटी उहाँ कहलै–‘सिँचाइ सहज बनाइक लाग कृषि मोटर फेन स्थानीय सरकारसे किसानहे डेहे लागल बा ।’

उहे अवसरमे मन्त्री चौधरी ग्रेडिङ मेशिनके फेन उद्घाटन करल रही । ज्ञान केन्द्रसे ग्रेडिङ कैके बीया उत्पादनके लाग वडामे रहल हरियाली नमूना कृषि गाउँ गहुँ पकेट कृषक समन्वय समितिहे ५० प्रतिशत अनुदानमे ग्रेडिङ मेशिन उपलब्ध करैले बा ।

समितिके अध्यक्ष पार्वती चौधरीके अध्यक्षतामे हुइल कार्यक्रममे कृषि ज्ञान केन्द्र कैलालीके प्रमुख खगेन्द्रराज जोशी, वडा अध्यक्ष कलमप्रसाद चौधरी, हरियाली सहकारीके अध्यक्ष लेखराम चौधरी बोलल् रहिट ।

कार्यक्रममे ज्ञान केन्द्रके भूमिराज उपाध्याय, वडा सदस्य फिरुराम चौधरी, मुसम्फीदेवी चौधरी, विष्णा सुनार, सुन्दरप्रसाद चौधरी, नेकपाके जिल्ला सदस्य परशु चौधरी, नेकपा कैलारी गाउँपालिकाके अध्यक्ष बतासु चौधरी, समिति आवद्ध किसान लगायतके उपस्थिति रहल रहे ।

  • 162
    Shares

जनाअवजको टिप्पणीहरू