लैंगिक हिंसा नियन्त्रण तालिम
पहुरा समाचारदाता
सुखड, १९ फागुन । कैलालीमे विद्यालय आधारित लैंगिक हिंसा नियन्त्रण तथा व्यवस्थापन तालिम सुरु हुइल बा ।
वल्र्ड भिजन इन्टरनेशनल नेपालके आर्थिक सहयोग ओ बाल कल्याण संघ टीकापुरके आयोजनामे ३ दिने तालिम सुरु हुइल बा ।
बुधसे सुरु हुइल तालिम शुकके समापन हुइना आयोजक संस्था जनैले बा । तालिममे घोडाघोडी नगरपालिका भिट्टरके १६ ठो सामुदायिक विद्यालयके प्रधानाध्यापक ओ सहायक प्रधानाध्यापकहुक्रनके सहभागिता रहल बा ।
विद्यालयमे हुइना टमान मेरके हिंसा, कैसिक व्यवस्थापन कैना, विद्यालयसे न्यूनीकरण करे नैसेकके उप्पर निकायसम कैसिक पठैना कना बारेम जानकारी डेहक लाग तालिम आयोजना करल किशोरी परियोजनाके सामाजिक परिचालक सबिना सिंह बटैली ।
पहिल चरणमे सामुदायिक विद्यालयके व्यवस्थापन समितिके अध्यक्ष ओ शिक्षक अभिभावक संघके अध्यक्षहुक्रनहे ३ दिने तालिम डेसेकल बटैली । इ तालिमपाछे उहे विद्यालयके विद्यार्थीहुक्रनहे फेन तालिम डेना जनाइल बा । कार्यक्रममे सहभागीहरूलाई तालिम प्रशिक्षक अनुप अधिकारी डेटी रहल बाटै ।
