थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०९ बैशाख २६४५, बिफे ]
[ वि.सं ९ बैशाख २०७८, बिहीबार ]
[ 22 Apr 2021, Thursday ]
.

मुक्त हलियाके सवालमे मुख्यमन्त्री शाहीके ध्यानाकर्षण

पहुरा | २३ चैत्र २०७७, सोमबार
  • 18
  •  
  •  
  •  
  •  
  •  
  •  
  •  
    18
    Shares
मुक्त हलियाके सवालमे मुख्यमन्त्री शाहीके ध्यानाकर्षण

पहुरा समाचारदाता
धनगढी, २३ चैत ।
कर्णाली प्रदेशमे रहल मुक्त हलियाहुकनके अवस्था ओ पुनःस्थापनाके सवालहे लेके संविधानसभा सदस्य, हलिया एंव दलित आन्दोलनके अगुवा, पूर्व सासद हरि श्रीपाईली कर्णाली प्रदेशके मुख्यमन्त्री महेन्द्र बहादुर शाहीके ध्यानाकर्षण करैले बटै ।

सोम्मार कर्णाली प्रदेशके सुर्खेत पुगके पूर्वसासद श्रीपाईली नेतृत्वके टोली कर्णाली प्रदेशके मुख्यमन्त्री महेन्द्र बहादुर शाही, भूमि व्यवस्था कृषि तथा सहकारी मन्त्री विमला केसी, सामाजिक विकासमन्त्री दल रावल, कानुन मन्त्री नरेश भण्डारीसंग अलग अलग भेटवार्ता करके मुक्त हलियाहुकनके अवस्था दयनिय रहल बटैटी, ओइनके न्यायोचित सम्मानजनक पुनःस्थापना हुई पर्नामे जोड डेहल बा ।

हलिया आन्दोलनके अगुवा एंव पूर्वसासद श्रीपाईली, मुक्त हलिया सम्बन्धी अलगे ऐन नाने पर्ना, छुट हलियाहुकनके फेरसे तथ्यांक संकलन, अइना आर्थिक बर्षके नीति तथा कार्यक्रम ओ बजेटमे मुक्त हलियाहुकनहे विशेष प्राथमिकता डेके योजना निर्माण ओ कार्यान्वयन हुइ पर्ना, मुक्त हलियाके शिक्षा, स्वास्थ, रोजगारी ओ जिविकोपार्जनके लाग विशेष नीति तथा कार्यक्रम आई पर्नासमेत ध्यानाकर्षण करैले बटै ।

भेटवार्तामे मुख्यमन्त्री शाही मुक्त हलियाके पुनःस्थापनाके सवालमे अपने गम्भीर रहल ओ हलिया सम्बन्धी अलगे ऐन नानके विशेष नीति तथा कार्यक्रम मार्फत मुक्त हलियाहुकनके पुनःस्थापन कैना बटैलै । साथे मुख्यमन्त्री शाही नेपालमे दलित एवं हलिया मुक्ति आन्दोलनमे पूर्व सासद श्रीपाईली खेलल भूमिका ओ योगदानके चर्चा करटी हलिया अगुवा एंव संबिधानसभा सदस्य श्रीपाईलीके उच्च प्रशंसा समेत करल रहिट ।

संविधानसभा सदस्य एंव हलिया आन्दोलनके अगुवा श्रीपाईली नेतृत्वके टोलीमे राष्ट्रिय मुक्त हलिया समाज महासंघके केन्द्रीय अध्यक्ष ईश्वर सुनार, महासचिव पर्वत सुनार, सुर्खेत जिल्ला अध्यक्ष यमबहादुर मल्ल लगायतके सहभागीता रहल रहे ।

सोम्मार पूर्व सासद श्रीपाईली नेतृत्वके टोली बिरेन्द्रनगरस्थित टमान मुक्त हलियाहुकनके बस्तीमे पुगके ओइनके अवस्थाके बारेमे जानकारी लेनाके साथे मुक्त हलियासंग छलफल समेत करल रहिट ।

  • 18
    Shares

जनाअवजको टिप्पणीहरू