कैलालीमे मास्क लगैना अनिवार्य
पहुरा |
२४ चैत्र २०७७, मंगलवार
पहुरा समाचारदाता
धनगढी, २४ चैत । कैलालीमे मास्क लगैना अनिवार्य करल बा । कोभिड संकट व्यवस्थापन केन्द्रके बैठकसे घरसे बाहर निक्रेबर मास्क अनिवार्य रुपमे लगाइ पर्ना निर्णय करल हो ।
इ निर्णयहे कडाइके साथ लागू करजैना जिल्ला प्रशासन कार्यालयके सूचना अधिकारी शिवराज जोशी जानकारी डेलै । मास्क नलगुइयाहे कारबाही कैना जनाइल बा ।
ओस्टके, होम आइसोलेसन ओ होम क्वारेन्टाइनहे प्राथमिकता डेना निर्णय करल बा । प्रमुख जिल्ला अधिकारी खगेन्द्र रिजालके अध्यक्षतामे मंगरके जिल्ला प्रशासन कार्यालयमे केन्द्रके बैठक बैठल रहे ।