थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०९ बैशाख २६४५, बिफे ]
[ वि.सं ९ बैशाख २०७८, बिहीबार ]
[ 22 Apr 2021, Thursday ]
.
‘ पत्रकार महासंघके निर्वाचन ’

सुदूरपश्चिममे १ हजार ६५ मत गिरल

पहुरा | २५ चैत्र २०७७, बुधबार
  • 23
  •  
  •  
  •  
  •  
  •  
  •  
  •  
    23
    Shares
सुदूरपश्चिममे १ हजार ६५ मत गिरल

पहुरा समाचारदाता
धनगढी, २५ चैत ।
सुदूरपश्चिममे पत्रकार महासंघके निर्वाचन सम्पन्न हुइल बा । सकारे ९ बजेसे साँझ ५ बजेसम सुदूरके ९ जिल्लाके टमान ठाउँसे मतदानके व्यवस्था करल रहे । प्रदेशमे जम्मा १ हजार ६५ मत गिरल बा । जेम्ने बाजुरा जिल्लामे १०८ मतदाता रहलमे ९८ मत गिरल बा ।

ओस्टके बझाङमे ८२ मतमे ६८, बैतडीमे १३२ मतदाता रहलमे ८४ मत गिरल बा । यहोर कैलालीमे १९३ मतदाता रहलमे १८७ मत गिरल बा । कञ्चनपुरमे २५३ मध्ये २१७ मत गिरल बा । दार्चुलामे ९८ मतदाता रहलमे ९१ डोटीमे ८९ मतदाता रहलमे ७९ मत गिरल बा । अछाममे १६४ मतदाता मध्ये १५० मत गिरल बा कलेसे डडेलधुरामे जम्मा मत ९३ रहलमे ९१ मत गिरल बा । मत गणना भर बिफे सकारे ८ बजेसे हुइना जनाइल बा ।

प्रदेश समिति २१ सदस्यीय रहना विधानके प्रावधान रहल बा । नेपाल पत्रकार महासंघ सम्पूर्ण नेपाली पत्रकारहुक्रनके साझा छाता सङ्गठन हो । देश विदेशमे रहल नेपाली पत्रकारहुक्रनहे सङ्गठित कैटी व्यावसायिक नेतृत्व प्रदान कैना ओ श्रमजीवी पत्रकारहुक्रनके हकहित रक्षा कैटी सक्कु सञ्चार क्षेत्रके विकासके लाग काम कैना महासंघके मूल ध्येय, लक्ष्य ओ दायित्व हो ।

विसं २०१२ चैत १६ गते गठन हुइल नेपाल पत्रकार संघ निरन्तरताके रूपमे महासंघ रहल बा । विसं २०५३ जेठ २९ मे संघहे महासंघमे रूपान्तरण करल हो ।

  • 23
    Shares

जनाअवजको टिप्पणीहरू