हसुलियामे सिएस म्युजिक भिडियो अवार्ड

पहुरा समाचारदाता
धनगढी, २७ चैत । कैलारी गाँउपालिका–१, हसुलिया आज सिएस वेष्ट म्युजिक भिडियो अवार्ड २०७६ हुइना हुइल बा ।

आज चैत २८ गते हुइना म्युजिक भिडियो अवार्डके पूरा तयारी हुइल प्रालिके सञ्चालक सतिश सिन्हा बटैलै । २०७६ सालमे प्रालिसे रिलिज हुइल थारु गित किल अवार्डमे समावेश करल जनाइल बा । ‘बहुभाषा, बहुसंस्कृति हमार पहिचान, यकर संरक्षण कैना हमार साझा अभियान’ नारा रहित हुइना अवार्ड कार्यक्रममे वेष्ट मेलोडी, वेष्ट कल्चर, वेष्ट डान्सी· म्युजिक भिडियो कैके ३ विधामे अवार्ड करजैना जनाइल बा । ओस्टके मोडेल, गायक ओ निर्देशक कैके १५ जनहनहे फेन अवार्ड करजैना जनाइल बा ।

पुुरान अग्रज कलाकारहुक्रनके सम्मान, लावा कलाकारहे हौसला, थारु भाषा संस्कृति संरक्षण प्रवद्र्धन, थारु फिल्म जगतहे गुणस्तर प्रदान कैना उद्देश्य सहित प्रालि स्थापना हुइल हो ।
कैलारी गाउँपालिकाके मुुख्य प्रबद्र्धक तथा आर.डी कम्प्लेक्स धनगढीके मुुख्य प्रायोजनमे कार्यक्रम हुइना हुइल बा ।

कार्यक्रममे फिल्म जगतमे योगदान डेना सम्पूर्ण कलाकारहे कार्यक्रममे सहभागिता जना डेना कार्यक्रमके मुख्य संयोजक तथा थारु फिल्म निर्देशक चन्द्र चौधरी (चाँद) आग्रह करले बाटै ।