ठप २० जनहनमे कोरोना पुष्टि

पहुरा समाचारदाता
धनगढी, ३१ चैत । सुदूरपश्चिममे थप २० जनहनमे कोरोना पुष्टि हुइल बा । मंगरके सेती प्रादेशिक अस्पताल प्रयोगशाला परीक्षणमे ४९ नमूना परीक्षण करेबर २० जनहनमे संक्रमण पुष्टि हुइल अस्पतालके सूचना अधिकारी दिलिपकुमार श्रेष्ठ जानकारी डेलै ।

ओहकान अनुसार धनगढी उपमहानगरपालिका वडा १ के चार जाने, वडा नम्बर ३ के एक जाने, वडा नम्बर ५ के सात जाने,वडा नम्बर ६ के एक जाने, वडा नम्बर ७ के तिन जनहनमे कोरोना संक्रमण पुष्टि हुइल जनाइल बा ।

ओस्टके धनगढी उपमहानगरपालिका वडा नम्बर १६ के एक जाने, कैलालीके भजनी गाउपालिका ५ के दुई जाने ओ कञ्चनपुरके बेलौरी नगरपालिका ८ के एक जनहनमे संक्रमण पुष्टि हुइल सूचना अधिकारी श्रेष्ठ जानकारी डेलै । अब्बे अस्पतालमे कुल संक्रमित मध्ये १ जाने आइसियू २ जाने भेन्टिलेटर ओ एक जाने आईशोलेशनमे राखल जनाइल बा ।