कैलाली सहित १४ जिल्लामे विद्यालय बन्द कैना सरकारके आग्रह

पहुरा समाचारदाता
धनगढी, २ बैशाख । स्वास्थ्य तथा जनसंख्या मन्त्रालयसे काठमाडौं उपत्यकाके तीनसहित टमान १४ जिल्लामे सार्वजनिक क्षेत्रके गतिविधि बन्द करेक लाग आग्रह करले बा ।

कोरोना संक्रमणके जोखिम उच्च हुइल १४ जिल्लामे विद्यालयसहितके सार्वजनिक क्षेत्र बन्द करेक लाग मन्त्रालय आग्रह करल हो । उपत्यकाके काठमाडौं, भक्तपुर, ललितपुरसहित कास्की, रुपन्देही, चितवन, बाँके, पर्सा, कैलाली, मोरङ, दाङ, सुर्खेत, बारा ओ बागलुङमे विद्यालयसहित मनोरञ्जन, खेलकुद ओ रात्रिकालीन व्यावसाय बन्द करेक लाग मन्त्रालय आग्रह करल हो ।

मन्त्रालयसे बिफेक रोज एक विज्ञप्ति जारी करटी उ जिल्लामे सार्वजनिक क्षेत्र तत्काल बन्द कैना करके निर्णय आवश्यक हुइलेसेफे अब्बेक लाग आग्रह केल करल जनाइल बा । विज्ञप्तिमे मन्त्रालयसे टमान ८ ठो आग्रह करले बा ।