थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २७ बैशाख २६४५, सोम्मार ]
[ वि.सं २७ बैशाख २०७८, सोमबार ]
[ 10 May 2021, Monday ]
.

मास्क नैलगुइयाहे कारवाही सुरु

पहुरा | ८ बैशाख २०७८, बुधबार
  • 27
  •  
  •  
  •  
  •  
  •  
  •  
  •  
    27
    Shares
मास्क नैलगुइयाहे कारवाही सुरु

पहुरा समाचारदाता
धनगढी, ८ वैशाख ।
सडकमे मास्क नै लगाके हिड्डुल करुइयाहे कारबाही कैना सुरु करल बा ।

जिल्ला प्रशासन कार्यालय कैलालीलासे मास्क नैलगुइयाहे एकसय रुप्या जरिवाना सहित कारबाही करल हो । छिमेकी मुलुक भारतमे तीव्र रूपमा संक्रमण बह्रल ओरसे ओकर प्रत्यक्ष असर कैलालीमे परलपाछे मास्क नैलगुइयाहे प्रहरी बुधसे जरिवाना करल हो ।

संक्रामक रोग ऐन, २०२० बमोजिम जिल्ला प्रशासन कार्यालय कैलालीके निर्देशनअनुसार कैलाली प्रहरीके मातहतमे रहल प्रहरी युनिट मास्क नैलगुइयाहे कारबाही करे लागल हो । प्रमुख जिल्ला अधिकारी खगेन्द्र प्रसाद रिजालके अनुसार बुधके सकारसे प्रहरी धनगढीके मुख्य चोकमे मास्कविना नेंगुइयाहे कारबाही प्रकृया सुरु करसेकल बटैलै ।

विना मास्क बजारमे भेटलहे पकरके एकचोके लाग सम्झाइबुझाई मास्क नैलगाके घर बाहर नैनिक्रना सर्तमे एक थान मास्क वितरण कैके छोरब, सिडिओ रिजाल कहलै, ‘यदि फेनसे ओकर अटेरी कैलेले हम्रे कारबाही करब ।’ सचेत नागरिक नै मास्क नै लगैना करल उहाँके कहाइ बा ।

अब्बे कैलाली जिल्लाके सिमानाकासे जोरल गौरीफन्टा नाकासे हजारौँके संख्यामे नेपाली स्वदेश अइटी रहल बाटै । कैलाली प्रशासनसे नाकामे चैत ३ गतेसे एन्टिजेन परीक्षण सुरु करलमे हालसम ११ हजार ३ सय ९० जनहनके एन्टिजेन परीक्षण करेबर मंगरसम ८ सय ४६ जनहनमे कोरोना संक्रमण डेखल सिडिओ रिजाल बटैलै ।

अब्बे भोजके सिजन चलल् २५ जानेसे ढिउर भेला नैहुइना समेत आग्रह करलै । अइसीन भोज पार्टी, बर्तबन्ध कार्यक्रमसे समुदायमे कोरोना फैले सेक्ना हुइल ओरसे स्वास्थ्य मापदण्ड अनुसार कार्यक्रम सञ्चालन कैना ओ २५ जानेसे कमके सहभागितामे भोज, पार्टी, बर्तबन्ध कार्यक्रम करे सेकजैना बटैलै ।

घरसे बाहर निक्रेबर सुरक्षित दूरी अपनैना, अनिवार्य मास्क प्रयोग कैना ओ औरे जनहनहे फेन मास्क प्रयोग करक लाग प्रोत्साहित कैना आग्रह करलै । कोरोना भाइरस संक्रमणके जोखिम बह्रटी गैलपाछे कैलालीमे स्थानीय प्रशासनसे मंगरसे आंशिक रूपमे निषेधाज्ञा जारी करसेकल बा ।

  • 27
    Shares

जनाअवजको टिप्पणीहरू