थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २७ बैशाख २६४५, सोम्मार ]
[ वि.सं २७ बैशाख २०७८, सोमबार ]
[ 10 May 2021, Monday ]
.

तीन दिने मौरीपालन तालिम

पहुरा | १३ बैशाख २०७८, सोमबार
  • 12
  •  
  •  
  •  
  •  
  •  
  •  
  •  
    12
    Shares
तीन दिने मौरीपालन तालिम

पहुरा समाचारदाता
हसुलिया, १३ बैशाख ।
कैलाली जिल्लाके कैलारी गाउँपालिकाममे क्षमता विकास तथा रोजगारी कार्यक्रम अन्तर्गत तीन दिने मौरीपालन तालिम सुरु हुइल बा । गाउँपालिकाके आर्थिक तथा प्राविधिक सहयोग ओ स्मार्ट सोसाइटी नेपालके आयोजनामे तालिम सुरु हुइल हो ।

तालिमके उद्घाटन करटी गाउँपालिका अध्यक्ष लाजुराम चौधरी गाउँपालिका भिटर रहल बेरोजगार युवाहे तालिम लेहलपाछे तुरुन्ते उ सम्बन्धि व्यावसाय सुरु कैना प्रेरणा डेना बटैलै । तालिम स्थानीयहे रोजगारीके लाग अन्यत्र धाई पर्ना बाध्यताके अन्त कैना कहटी अध्यक्ष चौधरी स्थानीयहुक्रे अपन जीवनस्तरमे परिवर्तन करके व्यावसायमे लग्ना विश्वास लेहल बटैलै ।

मौरीपालन तालिमसे भारतीय नागरिक गाउँमे डुलैटी बिक्रीवितरण कैना अवैध ओ अस्वस्थकर मिसावट मह खैना परिस्थितिके अन्तय हुइना कहटी अध्यक्ष चौधरी तालिमकके सहभागी व्यवसायिक रुपमे मौरीपालन करके गाउँपालिकाके सहयोगहे उपलब्धि मुलक बनैना आशा व्यक्त करलै ।

सोसाइटीके संरक्षक समिति संयोजक पर्शु चौधरी हरेक वर्ष गाउपालिकाकके बेरोजगार युवाहे सीप क्षमता अभिवृद्धि करके आत्मनिर्भर करके स्वरोजगारी सृजना कैना लक्ष्य लेहल बट्रैलै ।

स्मार्ट सोसाइटीकके कार्यबाहक अध्यक्ष रामशरण चौधरी सभापतित्वममे हुइल तालिम उद्घाटन कार्यक्रम संचालन सोसाइटीके सचिव राम चौधरी करले रहिट । २० जानेक सहभागीता रहल तालिममे सहजीकरण शारदा शर्मा ओ घनश्याम पौडेल करटी रहल बटै ।मौरीपालन तालिम

  • 12
    Shares

जनाअवजको टिप्पणीहरू