थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २७ बैशाख २६४५, सोम्मार ]
[ वि.सं २७ बैशाख २०७८, सोमबार ]
[ 10 May 2021, Monday ]
.

बंगलादेशमे डुंगा दुर्घटना, २६ के मृत्यु

पहुरा | २१ बैशाख २०७८, मंगलवार
  • 8
  •  
  •  
  •  
  •  
  •  
  •  
  •  
    8
    Shares
बंगलादेशमे डुंगा दुर्घटना, २६ के मृत्यु

काठमाडौं, २१ वैशाख । बंगलादेशके पद्मा नदीमे सोम्मार बिहान हुइल डुंगा दुर्घटनामे कम्तीमे २६ जानेक मृत्यु हुइल बा । स्थानीय सञ्चार माध्यमके अनुसार खचाखच यात्रुसे भरल एक स्पिडबोट (तीव्र गतिमे चल्ना डुंगा) बालु बोक्ना यन्त्रमे लरके दुर्घटना हुइल हो ।

स्थानीय समयअनुसार बिहान ७ बजे हुइल दुर्घटनामे कुछ यात्रु बेपत्ता हुइल अनुमान प्रहरीके बा ।
स्थानीय प्रहरी अधिकृत आशिकुर रहमान कलैं, ‘२६ जानेक शव निकारल बा ओ ५ जानेहे गम्भीर अवस्थामे अस्पताल भर्ना करल बा । और कुछ मनै बेपत्ता रहल आशंकामे खोजी कार्य तीव्र बनाइल बा ।’ बंगलादेशमे हरेक वर्ष डुंगा दुर्घटनामे सयौंके ज्यान जाइठ ।

अप्रिल ४ मे कार्गो जहाज ओ मनै बोक्ना डुंगा एकआपसमे लरके २७ जानेक ज्यान गैल रहे । गैल वर्ष जुनमे यात्रुवाहक डुंगा फेरीसँग लरके ३२ जानेक मृत्यु हुइल रहे । यी शताब्दीके सबसे भयानक डुंगा दुर्घटना मानल घटनामे सन् २०१४ मा सय जानेक डुबके ज्यान गैल रहे ।

बंगलादेशमे तटीय जलक्षेत्र एवं नदीमे डुंगामार्फत् हजारौं मनै यात्रा करठैं । मने पर्याप्त नियमन तथा अनुगमनके अभावमे हुइना दुर्घटनामे बर्सेनि सयौं ज्यान गुमैठै ।

  • 8
    Shares

जनाअवजको टिप्पणीहरू