थप ९ हजार १ सय २७ जहनमे कोरोना पुष्टि, १ सय ३९ के मृत्यु

काठमाडौं, २७ वैशाख । बिटल २४ घण्टामे १७ हजार ६ सय २३ पीसीआर परीक्षणमे नेपालमे ९ हजार १२७ जहनमे कोरोना संक्रमण पुष्टि हुइल बा । स्वास्थ तथा जनसंख्या मन्त्रालयके अनुसार गैल २४ घन्टामे ४ हजार ७ जाने कोरोनामुक्त हुइल बाटैं कलेसे १ सय ३९ जानेक कोरोना संक्रमणसे मृत्यु हुइल बा ।

यीसँगे नेपालमे कोरोना संक्रमितके संख्या ४ लाख ३ हजार ७९४ पुगल बा । अस्टेक कोरोनासे बाट मृत्यु हुइनाके संख्या ३ हजार ८५९ ओ कोरोनामुक्त हुइनाके संख्या ३ लाख ६ हजार ७९४ पुगेल बा । नेपालमे सक्रिय संक्रमितके संख्या ९३ हजार १ सय ४१ रहल बा ।

अस्टेक, काठमाडौं उपत्यकामे ३ हजार ६ सय ७ संक्रमित थपल बाटैं । जोनमध्ये काठमाडौंमे २ हजार ७ सय ७५ जाने, भक्तपुरमे ३ सय २७ ओ ललितपुरमे ५ सय ५ जाने थपल बाटैं ।