अमेरिकामे आब १२ से १५ वर्षके बालबालिकाहे फेन कोरोना खोप लगैना

काठमाडौं, २८ वैशाख । अमेरिकामे आब १२ से १५ वर्षसमके बालबालिकाहे फेन कोरोना भाइरसविरुद्धके खोप लगैना हुइल बा ।
समाचार संस्था रोयटर्सके अनुसार मे १३ से उ उमेरसमूहके बालबालिकाहे कोरोना खोप लगैना तयारी करले बा । अमेरिकी नियामक निकाय खाद्य तथा औषधि प्रशासन(एफडीए) फाइजर–बायोएनटेकके कोरोना खोप १२–१५ उमेर समूहके बालबालिकाहे लगैना आपत्कालीन प्रयोगके लाग अनुमति डेहल हो ।
यी उमेर समूहहे कोरोना खोप लगैना विश्वमे पहिलचो अनुमति डेहल हो । यी उमेर समूहकाहे कोरोना खोप लगैना अनुमति डेनाहे महत्वपूर्ण कदमके रुपमे हेरगिल बा । कोरोना भाइरस महामारीके कारण करोडौं स्कुले विद्यार्थी घरमे बैठना बाध्य हुइल बेला यी अभियानसे फेर उहाँहुक्रे विद्यालय जैना वातावरण सिर्जना हुइना अपेक्षा करल बा ।
अमेरिकी राष्ट्रपति जो बाइडेन सब राज्य प्रशासनहे युवा तथा किशोरहुकनहे हलिसे हलि खोप लगैना आग्रह करले बाटैं । ‘यदि अप्ने एक अभिभावक हुइटी । जे अपन छावाछाइहे सुरक्षित चाहठ वा कोइ अप्नही कोरोना खोप लगैना इच्छुक बा कलेसे आजके फैसला अत्यन्ते आशावादी ओ महत्वपूर्ण बा,’ राष्ट्रपति बाइडेन कले बाटैं ।
चिकित्सकीय परीक्षणके सफल परिणाम आइलपाछे उ उमेर समूहके बालबालिकाहे खोप लगैना आपत्कालीन अनुमति डेहल हो । परीक्षणमे १२ से १५ वर्षके २२६० जाने बालबालिका सहभागी रहल फेन रोयटर्स जनैले बा ।
अमेरिकामे यीआघे १६ वर्ष ओ उहिनसे उप्पर उमेर समूहहे कोरोना खोप लगैना अनुमति डेहल रहे । अमेरिकामे अभिनसम २६ करोड डोज कोरोना खोप लगाइल बटागिल बा ।
-एजेन्सी
