बैतडीमे चरेशसहित २ पक्राउ

बैतडी, १ जेठ । बैतडीके सुर्नया गाउँपालिकमे प्रहरी चरेशसहित २ जहनहे नियन्त्रणमे लेले बा ।

रौलेश्वर प्रहरीचौकीके टोली मोटरसाइकल चेक करेबेर झोलामे ७ सय ग्राम चरेश सहित २ जहनहे पक्राउ करल जिल्ला प्रहरी कार्यालय बैतडीके प्रवक्ता प्रहरी निरीक्षक दर्शन खड्का बटैलैं ।

पक्राउ परुइयामे सुर्नया–५, रौलेश्वरके ३० वर्षिय सुरेश बिष्ट ओ २५ वर्षिय प्रकाश बिष्ट रहल प्रहरी जनैले बा । झोलामे चरेश मिललपाछे सुपप्र ४००१ प ००१५ नम्बरके मोटरसाइकलसहित दुनु जहनहे प्रहरी नियन्त्रणमे लेले बा ।

प्रहरी निरीक्षक खड्का घटनाके थप अनुसन्धानके लाग इलाका प्रहरी कार्यालय पाटनसे प्रहरी टोली खटल बटैलैं ।