कैलालीमे जेठ २० गतेसम निषेधाज्ञा थप

धनगढी, १२ जेठ । कैलालीमे जेठ २० गतेसम निषेधाज्ञा लम्ब्याइल बा । जिल्ला कोभिड–१९ संकट व्यवस्थापन केन्द्रके सिफारिसमे जिल्ला प्रशासन कार्यालय कैलाली एक साता निषेधाज्ञा थप करल जनैले बा । कैलालीमे निषेधाज्ञा थपल यी ५ औं चो हो ।

यीआघे वैशाख १६ गतेसे २२ गतेसम, उपाछे वैशाख २३ गतेसे वैशाख मसान्तसम ओ वैशाख १ गतेसे वैशाख ६ गतेसम, ७ गतेसे १३ गतेसम निषेधाज्ञा थपल रहे ।

विश्वव्यापी महामारीके रूपमे फैलल नयाँ भेरियन्टसहितके कोभिड–१९ के संक्रमण जिल्लामे समेत तीव्र रूपमे बह्रल ओरसे निषेधाज्ञा लम्ब्याइल जिल्ला प्रशासन कार्यालय कैलाली जनैले बा ।