रेडियो प्रशारक महासंघके केन्द्रीय अध्यक्ष न्यौपानेके निधन
पहुरा |
१४ जेष्ठ २०७८, शुक्रबार
इटहरी, १४ जेठ । स्वतन्त्र रेडियोके छाता संगठन ब्रोडकास्टिङ एसोसिएसन (बान)के केन्द्रीय अध्यक्ष चन्द्र न्यौपानेके निधन हुइल बा ।
न्यौपानेके उपचारमे संग्लग्न डाक्टरसँग निरन्तर सम्पर्कमे रहल इटहरीके उपमेयर लक्ष्मी गौतमके अनुसार बिहान ८ः२५ बजे डाक्टर मृत घोषणा करले रहैं ।
कोभिड–१९ संक्रमण डेखाइलपाछे ५० वर्षिय न्यौपाने १८ दिनसे विराटनगरके विराट नर्सिङ होममे भेन्टिलेटरमे उपचाररत रहैं ।
१ छावा ओ १ छाइके पिता न्यौपाने सरकारसे बनाइल विज्ञापन बोर्डके सदस्यसमेत रहैं ।
न्यौपाने इटहरीसे सञ्चालित प्रदेश–१ के सबसे ढेर कभरेज रहल रेडियो सप्तकोसीके सञ्चालक हुइट । उहाँ नेकपा एमालेके प्रचार विभाग सदस्यसमेत रहटि ।
