जनता समाजवादी पार्टीके केन्द्रीय सदस्य चौधरीके निधन

टीकापुर, १७ जेठ । जनता समाजवादी पार्टीके केन्द्रीय सदस्य तथा जानकी गाउँपालिका सल्लाहकार संयोजक रामप्रसाद चौधरीके आज निधन हुइल बा ।

बालविद्या मन्दिर पथरैयाके विद्यालय व्यवस्थापन समितिके अध्यक्ष समेत रहल चौधरीके जानकी गाउँपालिका वडा ९ पाताभारस्थित कर्णाली लडियामे अन्तिम संस्कार करल बा । ४९ वर्षके चौधरीहे जण्डिस, सुगर ओ थाइराईडके समस्या रहे ।

चौधरी २०७४ सालमे हुइल निर्वाचनमे कैलालीे संघीय निर्वाचन क्षेत्र नम्वर २ से तत्कालिन राजपाके सांसदके उम्मेदवार बनल रहैं । विद्यार्थी जीवनमे भलिबलका खेलाडी रहल उहाँक जनता समाजवादी पार्टी जानकी गाउँपालिकाके अध्यक्ष लक्ष्मण चौधरी उहाके निधनसे जनता समाजवादी पार्टीहे भारी क्षति पुगल ओ समाज फेन एक असल अभिभावक ओ असल नेता गुमाइल बटैलैं ।

चौधरी तत्कालिन नेकपा माओवादीमे संलग्न रहेबेर वर्ष जेल परल रहैं ।