३ लाख ढेर मूल्यके अवैध सामान बरामद

धनगढी, १७ जेठ । कैलालीमे सशस्त्र प्रहरी ३ लाख ५८ हजार ९ सय ५० रुपैयाँ मूल्य बराबरके छेग्रा (खसी)सहित अवैध सामान बरामद करले बा ।

आज सशस्त्र प्रहरी बल नेपाल नम्बर ३४ गण हेडक्वाटर कैलाली तथा मातहतके बीओपीसे खटल सशस्त्र प्रहरीके गस्ति टोलीसे टमान स्थानसे उ मूल्य बराबरके छेग्रासहित अवैध सामान बरामद करल हो ।

सशस्त्र प्रहरी भारतसे अवैध रुपमे नेपालओर नन्टीरहल सूर्ती, किरानाके सामान ओ छेग्रा बरामद करके आवश्यक कारबाहीके लाग कैलाली भन्सार कार्यालय धनगढी बुझाइल बटैले बा ।