देशभर ५ हजार २८५ मे कोरोना संक्रमण पुष्टि, ६ हजार ८९८ कोरोनामुक्त
पहुरा |
१८ जेष्ठ २०७८, मंगलवार
काठमाडौं, १८ जेठ । २४ घण्टामे देशभर ५ हजार २८५ जहनमे कोरोना संक्रमण पुष्टि हुइल बा । स्वास्थ्य तथा जनसंख्या मन्त्रालयसे मंगरके रोज डेहल जानकारी अनुसार टमान जिल्लामे करल १७ हजार १४७ पीसीआर परीक्षणमे ५ हजार २८५ जहनमे कोरोना पुष्टि हुइल हो । यीसँगे नेपालमे कोरोना संक्रमितके संख्या ५ लाख ६६ हजार ५८७ पुगल बा ।
अस्टेक, २४ घण्टामे ६ हजार ८९८ जाने कोरोना संक्रमणमुक्त हुइल बाटैं । यीसँगे कोरोना संक्रमण हुके निको हुइनाके संख्या ४ लाख ५४ हजार ३४४ पुगल बा । नेपालमे सक्रिय संक्रमितके संख्या १ लाख ४ हजार ७८९ पुगल बा । क्वारेन्टाइनमे ७२५ जाने बाटैं ।
स्वास्थ्य तथा जनसंख्या मन्त्रालयसे डेहल जानकारी अनुसार देशभर करके थप ६८ जहनके मृत्यु हुइल बा । यीसँगे नेपालमे कोरोनासे मृत्यु हुइनाके संख्या ७ हजार ४५४ पुगल बा ।
