धनगढीके ६ सहित कैलालीके ४२ मे कोरोना पुष्टि
धनगढी, २१ जेठ । सेती प्रादेशिक अस्पतालके प्रयोगशालामे करल परीक्षणमे ५१ जहनमे कोरोना भाइरसके संक्रमण पुष्टि हुइल बा । बिटल २४ घण्टामे सेती प्रादेशिक अस्पतालके प्रयोगशालामे ६५७ नमूना परीक्षणमे ५१ जहनमे संक्रमण पुष्टि हुइल अस्पतालके सूचना अधिकारी दिलिपकुमार श्रेष्ठ जानकारी डेलैं ।
उहाँक अनुसार धनगढीके ६ जाने अस्टेक धनगढीबाहेक कैलालीके ४२ जाने ओ अन्य जिल्लाके ३ जहनमे संक्रमण पुष्टि हुइल जनाइल बा । हाल अस्पतालमे ४८ जाने कोरोना संक्रमितके उपचार हुइटा ।
जोनमध्ये ३ जाने भेन्टिलेटरमे, १४ जाने आइसियूमे, ३२ जाने अक्सिजन सपोर्टमे उपचाररत बाटै कलेसे २ जहनके अवस्था सामान्य रहल जनाइल बा ।
गैल २४ घण्टामे सेती अस्पतालसे १० जाने कोरोनामुक्त हुके घरे लौटल बाटैं, कलेसे थप ८ जाने अस्पतालमे भर्ना हुइल सूचना अधिकारी श्रेष्ठ जानकारी डेलैं । पाछेक २४ घण्टामे अस्पतालमे उपचाररत २ जाने कोरोना संक्रमितके मृत्यु हुइल अस्पताल जनैले बा ।
