रिहाब फाउन्डेसन नेपालसे राहत सामग्री वितरण

पहुरा समाचारदाता
धनगढी, २४ जेठ । रिहाब फाउन्डेसन नेपाल ओ सर्वाङिण अपांगता विकास समाज नेपालके सयुक्त सहकार्यमे धनगढी उपमहानगरपालिकामे रहल बौद्धिक तथा मनोसामाजिक अपांगता रहल व्यक्तिहुकन राहत सामग्री वितरण करल बा ।
वरिष्ठ समाजसेवी शिला थापा बौद्धिक अपांगता समाजके सहयोगी मार्फत ५ कट्टा मसिना चाउर, ४ किलो मिक्स दाल, २० पाकेट सेनिटरी प्याड, ३०० ठो सर्जिकल मास्क, १ बोटल सेनेटाइजर, २ किलो नोन १ किलो चिनी १ पाकेट खाने तेल वितरण कैगिल बा ।
उ सामान वितरण कार्यक्रम फाउन्डेसनके प्रबन्ध निर्देशक नन्दराज भट्ट ओ कार्यक्रम जिल्ला अधिकृत ईन्द्रबहादुर पाली, अपांगता अधिकारकर्मी तिलकराज बदुवाल करल रहिट ।
सामग्री बुझलपाछे बौद्धिक अपांगता अभिभावक दिल्लीराम पोखरेल हार्दिक धन्यवाद ज्ञापन सहित स्वागत करल रहिट । उ कार्यक्रममे सहभागीहुक्रे अपन घर कच्ची रहल बिजुली बत्ती, पँखा, लुगा कपडा, पौष्टिक खाना, औषधि उपचार, सहायक सामग्री व्हिल्चियर, बैशाखी ओ स्वास्थ्य सामग्रीके समेत भारी अभाव रहल बटैले रहिट । कलेसे महिला बालबालिका, युवा ओ जेष्ठ नागरिक करके धनगढी उपमहानगरपालिकामे १३० जाने भोकमरी परल व्यक्तिहुकनके उद्दार भर हुइल बा ।
बेवारिसे, असहाय अपांगता रहल नागरिक, बौद्धिक, मनोसामाजिक तथा टमान रोगसे ओ दुर्घटनामे परके बेसहारा बनल ओइने सरकारसे प्रदान कैना सामाजिक सुरक्षा भत्ता पैनासे समेत बन्चित हुइटी रहल बटै । ओइनके परिचयपत्र बनाके सहयोग कैना बाटमे कौनो पहल नइहुइल बौद्धिक अपांगता अभिभावक चाँदनी चौधरी बटैली ।
सहारा घरके अभिभावक बलबहादुर बिष्ट स्थानीय सरकार ओ सरोकारवाला निकायसे परिचयपत्र बनाके आवश्यक सेवासुबिधा ओ सहायक सामग्री व्हिलचियर उपलब्ध करादेलेसे सहज रूपमे शौच टे कराई सेक्ना बटैलै । नेपालके संविधान–२०७२ ओ अपांगता रहल व्यक्तिहुकनके अधिकार सम्बन्धी ऐन–२०७४ मे असहाय व्यक्तिहुकनके पुनसर््थापनाके जिम्मा स्थानीय सरकारसे लेहे पर्ना उहाँ कहलै ।
पुर्ण अशक्त असहाय अपांगता रहल व्यक्तिहुकनके मासिक सामाजिक सुरक्षा बापत ३ हजार ९९० रुप्या प्रदान कैना ओ निजके सहयोगीहे समेत मासिक तीन हजारसे पाँच हजार सम स्याहार भत्ता डेहे पर्ना कानूनी प्रावधान ओ सर्वोच्च अदालतके अन्तरिम प्रमादेश समेत रहल उहाँ कहलै ।
स्वयं अप्ने शारीरिक रूपमे अशक्त हुके फे अपांगता रहल व्यक्ति ओ परिवारके सुरक्षा कैना अपन ज्यानके प्रवाह नइकरके फाउन्डेसनके प्रबन्ध निर्देशक नन्दराज भट्ट आवश्यक सहयोग सामग्रीके लाग व्यक्तिगत ओ संस्थागत रूपमे हरदम करल सहयोगके मूल्य हम्रे कब टिरे सेक्ना बौद्धिक अपांगता अभिभावक शान्ति चौधरी बटैली ।
अपांगताके सशक्तीकरण, सामाजिक समायोजन, प्रमाणमे आधारित वकालत ओ दूर दराजमे रहल अपांगता नागरिकके घरघरमे पुगके अपांग नागरिक जे जीवन जोगे परठ अभियानके सरकारसे अभिनसम मूल्यांकन कैना प्रतिबद्धता व्यक्त करल नइडेखल उहाँ बटैली ।
