सुदूरपश्चिम प्रदेश सभाके बैठक सुरु

धनगढी, २५ जेठ । सुदूरपश्चिम प्रदेश सभाके बैठक सुरु हुइल बा । यिहे बैठकमे मुख्यमन्त्री त्रिलोचन भट्ट अपनहे विश्वासके मत डेना प्रस्ताव करही । नेकपा एमालेके माधव नेपाल पक्ष विश्वासके मतके पक्षमे मत डेना निर्णय करले बा ।

प्रमुख प्रतिपक्षी नेपाली काँग्रेस भर सरकारहे समर्थन करल एमाले ओ माओवादीके मतसे मुख्यमन्त्री विश्वासके मत नैपैना अवस्था आइलमे किल मत डेना निर्णय करले बा । सरकार जोगैना आवश्यक पर्ना मत संख्या नैपुगलमे किल मत डेना काँग्रेस निर्णय करले बा ।

विश्वासके मतके लाग मुख्यमन्त्री भट्टहे २७ मत चाहि । ५२ सदस्यीय प्रदेशसभामे नेकपा एमालेके सभामुखसहित २५ जाने, माओवादी केन्द्रके १३ जाने, नेपाली काँग्रेसका १२ जाने ओ जनता समाजवादी पार्टीके २ जाने प्रदेशसभा सदस्य बटैं । एमालेके २५ मध्ये माधवकुमार नेपाल पक्षके १८ जाने बटैं ।