थप ३ हजार ८७० मे कोरोना पुष्टि, मृत्यु हुइनाके संख्या ८ हजार नघल

काठमाडौं, २५ जेठ । २४ घण्टामे देशभर ३ हजार ८७० जहनमे कोरोना संक्रमण पुष्टि हुइल बा । स्वास्थ्य तथा जनसंख्या मन्त्रालयके अनुसार टमान जिल्लामे मंगरके करल १२ हजार ६५ पीसीआर परीक्षणमे ३ हजार ८७० जहनमे कोरोना पुष्टि हुइल हो ।

अस्टेक, ५ हजार ६११ एन्टिजेन परीक्षणमे १ हजार २८३ जहनमे कोरोना संक्रमण डेखाइल बा । पीसीआर ओ एन्टिजेन परीक्षणसे कुल ५ हजार १५३ जहनमे संक्रमण पुष्टि हुइल मन्त्रालय जनैले बा । यीसँगे नेपालमे पीसीआर परीक्षणसे कोरोना डेखाइलके संख्या ५ लाख ९५ हजार ३६४ पुगल बा ।

अस्टेक, २४ घण्टामे ६ हजार ५७० जाने कोरोना संक्रमणमुक्त हुइल बटैं । यीसँगे कोरोना संक्रमण हुके चोखुइयाके संख्या ५ लाख ४ हजार ५३० पुगल बा ।

मन्त्रालयसे डेहल जानकारी अनुसार देशभर करके थप १०८ जहनके मृत्यु हुइल बा । यीसँगे नेपालमे कोरोनासे मृत्यु हुइनाके संख्या ८ हजार ९८ पुगल बा ।