देशभर थप ३ हजार ४४९ जहनमे कोरोना पुष्टि, ५ हजार ७६८ संक्रमणमुक्त
काठमाडौं, २६ जेठ । २४ घण्टामे देशभर ३ हजार ४४९ जहनमे कोरोना संक्रमण पुष्टि हुइल बा । स्वास्थ्य तथा जनसंख्या मन्त्रालयके अनुसार टमान जिल्लामे बुधके करल १२ हजार ७४ पीसीआर परीक्षणमे ३ हजार ४४९ जहनमे कोरोना पुष्टि हुइल हो ।
अस्टेक, ४ हजार ५६६ एन्टिजेन परीक्षणमे ८९५ जहनमे कोरोना संक्रमण डेखाइल बा । पीसीआर ओ एन्टिजेन परीक्षणसे कुल ४ हजार ३४४ जहनमे संक्रमण पुष्टि हुइल मन्त्रालय जनैले बा । यीसँगे नेपालमे संक्रमितके संख्या ५ लाख ९८ हजार ८१३ पुगल बा । सक्रिय संक्रमित ८० हजार ३३६ रहल बटैं ।
अस्टेक २४ घण्टामे ५ हजार ७६८ कोरोना संक्रमणमुक्त हुइल मन्त्रालय जनैले बा । हालसम कोरोना संक्रमण मुक्त हुइनाके संख्या भर ५ लाख १० हजार २९८ रहल बा ।
थप ८१ जाने कोरोना संक्रमणके कारण ज्यान गुमैले बटैं । यीसँगे कोरोनासे मृत्यु हुइनाके संख्या ८ हजार १७९ पुगल बा । पीसीआर परीक्षण ३१ लाख ७९ हजार २०३ पुगल बा । क्वारेन्टाइनमे ६३४ जाने बटैं ।
