सभामुखसे सर्वदलीय बैठक बलागिल, प्रधानमन्त्री ओलीहे फेन निमन्त्रणा
काठमाडौं, २६ जेष्ठ । सभामुख अग्निप्रसाद सापकोटा संघीय संसद्मे प्रतिनिधित्व करुइया सब राजनीतिक दलहुकनके बैठक बलैले बटैं । प्रधानमन्त्री केपी शर्मा ओलीहे फेन सभामुख सापकोटा लिखित निमन्त्रणा पठैले बटैं ।
सभामुख सापकोटाके सञ्चार विज्ञ श्रीधर न्यौपानेके अनुसार प्रधानमन्त्री ओली, पूर्वप्रधानमन्त्री, संघीय संसद्मे प्रतिनिधित्व करुइया सब राजनीतिक दलके नेताहुकनहे बैठकमे बलाइल बा ।
समसामयिक विषयमे छलफल करेक लाग बैठकके आयोजन करल बटागिल बा ।
बैठक शुकके २ बजेके लाग तय करल बा । संघीय संसद् भवन नयाँ बानेश्वरके ल्होत्से हलमे बैठक आयोजन करल हो ।
प्रतिनिधिसभा दोसरचो विघटन हुइलपाछे सभामुखसे पहिलचो सर्वदलीय बैठक बलाइल हुइँट् । यीआघे उहाँ पूर्वसभामुख, कानुन व्यवसायी, राजनीतिक दलके नेतालगायतसँग परामर्श करले रहैं ।
प्रधानमन्त्री केपी शर्मा ओलीके सिफारिसमे राष्ट्रपति विद्यादेवी भण्डारी जेठ ८ गते प्रतिनिधिसभा विघटन करले रहे ।
