सुदूरपश्चिम प्रदेश सरकार आज नीति तथा कार्यक्रम नन्टी

धनगढी, २७ जेठ । सुदूरपश्चिम प्रदेश सरकार आज अगामी आर्थिक वर्ष २०७८/०७९ के लाग नीति तथा कार्यक्रम नानटा । आज दिनके ४ बजे बैठना प्रदेशसभाके बैठकमे प्रदेश प्रमुख गंगाप्रसाद यादव नीति तथा कार्यक्रम पेस करना कार्यसूची रहल प्रदेशसभा सचिवालय जानकारी डेले बा ।

बजेट नन्नासे १५ दिन आघे नीति तथा कार्यक्रम नानेपरना कानूनी व्यवस्था रलेसे फेन वर्ष कुछ ढिल हुइल बा । राजनीतिक उत्तारचढावके कारण बजेट अधिवेशन बलैना ढिलाइ करल सरकारसे अध्यादेशमार्फत आर्थिक कार्यविधि ऐन संशोधन करले रहे ।

संशोधित अध्यादेशमे अगामी नीति तथा कार्यक्रम नन्ना कौनो समयसीमा ढरल नैहो । प्रदेश सरकार असार १ गते अगामी वर्षके बजेट नानेपरना संवैधानिक व्यवस्था बा ।