यूनियन लाइफसे मृत्यु बीमा दावी भुक्तानी
पहुरा समाचारदाता
पहलमानपुर, २७ जेठ । यूनियन लाइफ इन्स्योरेन्स कम्पनी लिमिटेड टीकापुर शाखा ४२ लाख १२ हजार मृत्यु बीमा दावी भुक्तानी करले बा ।
कम्पनी गेरुवा गाउँपालिका वडा नम्बर ३, शान्तिबजार बर्दियाके बिमितके हकवाला श्रीमती ममताकुमारी खत्री सोडारीहे उ चेक रकम हस्तान्तरण करल हो ।
कम्पनीके सुदूरपश्चिम प्रदेश प्रमुख चन्द्रबहादुर बोहरा, प्रदेश उपप्रमुख दोबनबहादुर रावल, शाखा प्रमुख अमित चौधरी ओ एजेन्सी म्यानेजर प्रेमबहादुर थ्याइत लगायतके टोली हकवालाहे रकम हस्तान्तरण करले रहे ।
बिमित मिति २०७५ असार ३१ गते २० लाखके वार्षिक अग्रिम भुक्तानी जीवन बिमा बिमालेख लेले रहैं । बिमितके गैल चैत्र २ गते मोटरसाइकल दुर्घटनामे निधन हुइल रहे ।
कम्पनीके प्रदेश प्रमुख चन्द्रबहादुर बोहरा वर्तमानके छोट बचतसे भविष्यके भारी आर्थिक जोखिम बहन करना हुइल ओरसे हरेक परिवारमे जीवन बिमा अनिवार्य रहल बटैलैं ।
