म्यानमार सेनासे सूचीविरुद्ध गम्भीर भ्रष्टाचारके मुद्दा दायर
कठमाडौं, ३० जेष्ठ । म्यानमारके सैनिक प्रशासन अपदस्थ नेतृ आङ साङ सूचीविरूद्ध सबसे गम्भीर भ्रष्टाचारके मुद्दा दर्ता करले बा ।
जिहिनहे सुचीके दल नेसनल लिग फर डेमोक्रेसी सूचीहे फसाइ लगाल झुट्टा आरोप कले बा ।
सैनिक प्रशासन बिफेक रोज प्रेस विज्ञप्ति जारी करके सुचीहे घुसके रूपमे नगद ओ सोन लेहल आरोप लगाइल जानकारी करैले बा ।
यी आरोपमे सूची दोषी पाइल खण्डमे १५ वर्ष जेल सजाय हुइ सेकी । यी बाहेक उहाँहे अवैध रूपसे सञ्चार सेट आयात करना ओ सार्वजनिक अशान्ति पैदा करल आरोपमे फेन मुद्दा दर्ता करल बा ।
फेब्रुअरी १ मे सैन्य प्रशासन कुमार्फत सत्ताके बागडोर सम्हारल बाद सूचीहे पक्राउ करल रहे । टबसे नजरबन्दमे रहल सूची अदालतमे अत्यन्त कम डेखाइल बटि । उहाँक दलके दर्जनौँ नेता तथा कार्यकर्ताहे फेन टमान आरोपमे पक्राउ करल बा ।
म्यानमारमे सेना सत्ताके बागडोर सम्हारलसँगे हुइल प्रदर्शनमे सूचीहे सहयोग करल आरोपमे सयौँ नागरिकके हत्या हुइल बा ।
