उपत्यकामे असार २१ गतेसम निषेधाज्ञा ठपल

का करे पैना, का नइपैना, काल्हसे २५ सिट उप्परके सार्वजनिक यातायात चल्न
काठमाडौं, १४ असार । कोरोनाभाइरस संक्रमण रोकथाम तथा नियन्त्रणके लाग काठमाडौं उपत्यकामे ठप एक साता निषेधाज्ञा लम्बाइल बा ।

आज सकारे बैठल उत्यकाके ३ जिल्लाके प्रमुख जिल्ला अधिकारीहुकनके बैठकसे असार २१ गतेसमके लाग निषेधाज्ञा जारी रख्न निर्णय करल हो । मने जारी करल निषेधाज्ञा विगतसे कुछ खुकुलो करल बा ।
जोर–बिजोरके आधारमे सार्वजनिक बस चले डेना
काठमाडौं उपत्यकाभिटर केल संचालन हुइना करके २५ सिट क्षमतासे ढेरके सार्वजनिक बस सञ्चालन करे डेना निर्णय हुइल बा ।

सवारी साधन जोर बिजोर प्रणालीमे संचालन कैना ओ सार्वजनिक यात्रु बाहेक सवारी साधन संचालन करेबेर स्वास्थ्य मापदण्डके पूर्ण परिपालना करटी भौतिक दूरी कायम हुइना करके कुल स्वीकृत सीट क्षमतासे ढेर संख्यामे यात्रु धारे नइपैना व्यवस्था करल बा ।

चालक, सहचालक तथा यात्रुसे अनिवार्य मास्क लगैना, सवारी साधनके ढोकामे स्यानिटाइजरके व्यवस्था हुई पर्ना, सहचालकसे पञ्जा लगाई पर्ना ओ अनिवार्य रुपमे सवारी साधन दैनिक निसंक्रमित करे पर्ना मापदण्ड तोकल बा । सार्वजनिक सवारी साधन सकारे ६ बजेसे साँझ ७ बजेसम केल संचालन कैना स्वीकृति डेहल बा ।
यी क्षेत्र निर्वाध सञ्चालन करे पैना
ठपल एक साता निषेधाज्ञामे सरकारी, सार्वजनिक संस्थान, कुटनीतिक नियोग, सुरक्षा निकाय, स्वास्थ्यकर्मी, कृषि, मल, बिउ विजन, पशु चिकित्सक लगायत अत्यावश्यक सेवा प्रदायक सवारी साधन निर्वाध रुपसे संचालन कैना अनुमति डेहल बा ।

तरकारी, फलफूल, खाधान्न, दूध तथा दूग्धजन्य पदार्थ ओ ओकर प्याकिङ सामग्री, मुरगीक दाना, चिङगनी ओ पशुपंछीजन्य पदार्थ, भेटनरी सम्बन्धी कार्य, ईन्धन, खाना पकैना ग्यास, सरसफाईमे प्रयोग कैना सामग्री, प्रिन्ट तथा सरकारी छापाखाना ओ कृषि कार्यमे प्रयोग हुइना मल, वीउ लगायतके सामग्री बोक्न सवारीसे न्यूनतम जनशक्ति प्रयोग करके संचालन करे सेक्ही ।

अत्यावश्यक सामग्री बोकल दुवानीके सवारी साधन, विरामी तथा कुरुवा बोकल एम्बुलेन्स, स्वास्थ्यकर्मी पशु स्वास्थ्यकर्मी तथा सुरक्षा निकायसे प्रयोग कैना सवारी साधन सञ्चालन हुई पैही ।

ओस्टेक अत्यावश्यक कार्य जस्टे मृत्यु संस्कार, बिरामी तथा कुरुवा लगायतके कार्यके लाग उपत्यका बाहेर जैना सम्बन्धित स्थानीय तहके सिफारिसमे आवत जावत कैना सहजीकरण कैना व्यवस्था करल बा ।

ओस्टेक उद्योग तथा कलकारखाना ओ सार्वजनिक तथा निजी निर्माण कार्य स्वास्थ्य मापदण्ड पालना करके संचालन करे सेक्ना जनाइल बा ।
पसलके हकमे यैसिन बा व्यवस्था
औषधी तथा स्वास्थ्य सामग्री, अत्यावश्यक खाध सामग्री तथा और व्यापार व्यवसायके हकमे औषधी तथा स्वास्थ्य सामग्री सम्बन्धी पसल जौनफे समयमे निर्वाध रुपमे संचालन करे पैना, खाधान्न, दुध तथा दुग्ध जन्य पदार्थ, फलफूल, तरकारी, माछा मासु, पुजा सामग्री विक्रि वितरण कैना पसल, खेलकुद सामग्री पसल, स्टेशनरीरपुस्तक पसल साँझ ६ बजेम्म संचालन करे पैना व्यवस्था करल बा ।

ओस्टेक डिपार्टमेन्टल स्टोर, सपिङ मल, खेलकुद सामग्री पसल, कपडा, जुत्ता, फेन्सी, कस्मेटिक, साडी, गिफट आइटम, सुन पसल, भौडा, भान्सा जन्य, विद्युतीय घरायसी सामग्री, अटोमोबाइल शोरुम, अटोमोबाइल पार्टस पसल, इलेक्ट्रोनिक पसल मोवाइल तथा कम्प्यूटर पसल ओ निर्माणजन्य सामग्रीके पसल, हार्डवेयर पसल, विजुलीके सामान, स्यानिटरी पसल, टायल, मार्बल, फर्निचर लगायतके पसल सकारे ११ बजेसे साँझ ६ बजेसम संचालन करे पैना उल्लेख बा ।
अत्यावश्यक वस्तुके अनलाईन अर्डर, रेष्टुरेण्ट एवं फास्टफुड तथा अन्य अर्डर टेक अवे वा होम डेलिभरी प्रयोजनके लाग काठमाडौं उपत्यकाभिटर साँझ ७ बजेसम संचालन करे डेना जनाइल बा ।
यी क्षेत्र बन्द
सक्कु मेरिक सभा, सम्मेलन, गोष्ठी, तालिम, सेमिनार, सिनेमा हल, पार्टी प्यालेस, डान्सबार, दोहोरी, नाचघर क्लब, स्वीमिङ पुल, मनोरञ्जन स्थल, सैलुन, ब्यूटी पार्लर, हेल्थक्लब, फुटसल, जिमखाना, पुस्तकालय, संग्रहालय, चिडियाखाना, रंगशालामे हुइना दर्शक सहितके खेलकुद ओ मनैनके भिडभाड हुइना और कार्यक्रम संचालन करे रोक लगाइल बा ।
खुला स्थानमे मनै भेला जम्मा हुइना, भिडभाड कैना, सभा जुलुस, जात्रा, महोत्सव, भोज भटेर आदि करे नइपैना कहल बा ।

ओस्टेक शैक्षिक संस्था विद्यालय, कलेज, ट्यूसन सेन्टर, तालिम केन्द्र भौतिक उपस्थितिमे पठन पाठन परीक्षा संचालन कैना करैना नइपैना कहल बा ।
बिहे ब्रतबन्धके सम्बन्धमे
भोज तथा व्रतबन्धके हकमे ढेरमे १५ जानेसम स्वास्थ्य मापदण्डके अनिवार्य पालना कैना करके अपन घर वा बैठल ठाउँमे कैना, २ ठो सवारी साधन बेहुला बेहुली समेत प्रयोग कैना करके व्यानरके आधारमे आवतजावत कैना नियम बनाइल बा ।

विवाह, व्रतबन्ध तथा सामूहिक रुपमे कैना सांस्कृतिक कार्य होटल तथा पार्टी प्यालेसमे करे नइपैना, पुजारीसे हुइना नित्य पूजा बाहेकके और धार्मिक तथा सांस्कृतिक गतिविधि संचालन कैना रोक लगाइल बा ।