थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १० सावन २६४५, अत्वार ]
[ वि.सं १० श्रावण २०७८, आईतवार ]
[ 25 Jul 2021, Sunday ]

प्रहरी प्रमुख अधिकारी पुरस्कृत

पहुरा | ५ श्रावण २०७८, मंगलवार
प्रहरी प्रमुख अधिकारी पुरस्कृत

पहुरा समाचारदाता
धनगढी,५ सावन ।
जिल्ला प्रहरी कार्यालय कैलालीके प्रमुख प्रहरी उपरीक्षक विश्व अधिकारी नगद सहित पुरस्कृत हुइल बटै । सुदुरपश्चिम प्रदेश प्रहरी कार्यालय धनगढीके प्रदेश प्रहरी प्रमुख प्रहरी नायव महानिरीक्षक पुरुषोत्तम कडेल मंगरके रोज सुदुरपश्चिम प्रदेश प्रहरी कार्यालयमे आयोजित कार्यक्रममे कैलालीके प्रमुख प्रहरी उपरीक्षक अधिकारीहे नगद सहित पुरस्कृत करल रहिट ।

जिल्ला कैलाली टिकापुर नगरपालिका वडा नं १ बैठना साढे ३ बर्षके गोलु कना बिवेक बिष्टके घटनामे सक्रियता पुर्वक परिचालित हुके बच्चाके शव पत्ता लगाके प्रभावकारी अनुसन्धान करके अभियुक्तहे पक्राउ करके कानूनके दायरामे नन्नाके साथे संगठनके नीति निर्देशन अनुरुप उच्च अनुशासनमे रहिके त्रुटी रहित ढंगसे कर्तव्य निष्ठ हुके उल्लेखनिय भुमिका करल ओरसे कार्यमे लगनशिलता, अनुशासन, ईमान्दारी एवं उत्कृष्ठ कार्यके कदर स्वरुप उहाँहे नगद सहिट सम्मान करल हो ।

ओस्टेक प्रहरी उपरीक्षक विश्व अधिकारीके कमाण्डमे खटएका प्र.नि.हिक्मत बहादुर बोहरा, प्र.ह.मदन बहादुर बोहरा, प्रज.ईन्द्र सिंह धामी ओ प्र.ज.सुर्य बहादुर आउजी समेतहे प्रदेश प्रहरी प्रमुखसे पुरस्कृत करल बा ।

ओस्टे जिल्ला प्रहरी कार्यालय कैलालीके कार्यालय प्रमुख विश्व अधिकारी प्र.ना.उ.प्रकाश सापकोटा, प्र.नि.लाल बहादुर ऐर, प्र.स.नि.अनिल शाह, प्र.स.नि.कृष्ण मल्ल, प्र.ह.गणेश बहादुर सेठ्ठी, प्र.ज.जयराम चुनारा, प्र.ज.शिशिर शर्मा, प्र.ज.नन्दराज भट्टहे पुरस्कृत करले बटै ।

कार्यक्रममे प्रदेश प्रहरी प्रमुख पुरस्कृत हुइना सक्कु कर्मचारीहुकनहे यी मेरिक लगनशिलता, कृयाशिलता ओ सफलतासे संगठनके गरिमा उच्च हुइनाके साथे और प्रहरी कर्मचारीहुकनहे समेत अभिप्रेरित कैना हुइल ओरसे अइना दिनमे समेत उच्च मनोवलके साथ संगठनके उद्देश्य प्राप्तिीमे सक्रिय हुइना निर्देशन करटी बधाई तथा शुभकामना डेलै ।

कार्यक्रममे तालुक प्रदेश प्रहरी कार्यालयके प्रहरी वरिष्ठ उपरीक्षक बिक्रम बहादुर चन्दके समेट और प्रहरी कर्मचारीहुकनके उपस्थिती रहल रहे ।

जनाअवजको टिप्पणीहरू