कैलालीमे लागूऔषधसहित २ जाने पक्राउ

धनगढी, ६ सावन । लागूऔषधसहित कैलाली प्रहरी २ जहनहे पक्राउ करले बा । पक्राउ परुइयामे कैलालीके भजनी नगरपालिका–७, चर्राके ३० वर्षिय दिनेश चमार ओ कञ्चनपुरके पुनर्वास नगरपालिकापालिका–११ के २२ वर्षिय केशर राई रहल जिल्ला प्रहरी कार्यालय कैलाली जनैले बा ।

मंगर दिनके विशेष सूचनाके आधार खटल प्रहरी टोली चमारहे भजनी नगरपालिका–१ मे रहल मोहन्याल सामुदायिक वन लग्गेसे चेकजाँच करलमे लागूऔषध खैरो हिरोइन ५ ग्रामसहित पक्राउ करके थप अनुसन्धान करटिरहल जिल्ला प्रहरी कार्यालय कैलालीके प्रवक्ता एवं प्रहरी नायब उपरीक्षक प्रतीक बिष्ट बटैलैं ।

अस्टेक कञ्चनपुरके राईहे मंगरके रोज धनगढी उपमहानगरपालिका–३, भन्सार लग्गे शंकास्पद रुपमे नेंगट अवस्थामे प्रहरी चेकजाच करलमे नाइट्रोभेट ३० ट्याब्लेट ओ स्पास १६ टयाब्लेटसहित पक्राउ करके थप अनुसन्धान हुइटिरहल उहाँ बटैलैं ।