धनगढीमे ‘म राजेश हमाल’ चलचित्रके टिम
धनगढी, १९ भदौ । चलचित्र ‘म राजेश हमाल’ के टिम धनगढी पुगल बा । वर्ड पिक्चर ओ ढाकाटोपी फिल्मस्के संयुक्त लगानीमे निर्माण हुइटी रहल चलचित्र भदौ २१ गतेसे सुदूरपश्चिमके टमान ठाउँमे सुटिङ कैना बटाइल बा । शनिच्चरके सन्जिता लुइँटेल, मुकुन भुसाल, महेश त्रिपाठी ओ एभनराज उप्रेती धनगढी पुगल हुइट ।
फिल्ममे सञ्चिता लुइँटेल, मुकुन भुसाल, महेश त्रिपाठी, एवनराज उप्रेती, अस्मिता लामिछाने, सञ्जोग रसाइली आदि कलाकारके अभिनय रहल बा । चलचित्रमे अभिनेत्री सञ्चिता लुइँटेल महत्वपूर्ण भूमिकामे डेखजैटी बाटी । अभिनेता आर्यन सिग्देल अतिथी भूमिकामे डेखजैटी रहल बाटै ।
उक्त चलचित्रमे दिपक आरजेके सङ्गीत रहल बा । उहाँ चलचित्र बाह्र सत्ताइस, अमेरीका बोइज, लप्पन छप्पन ओ लप्पन छप्पन २ जैसिन हिट चलचित्रमे स्वर तथा सङ्गीत डेसेकल बाटै ।
पाछेक समय ओहकान सङ्गीत दर्शकमाँझ लोकप्रिय बन्टी गैल बा । जोन योञ्जनके कथा रहल फिल्मके पटकथा जोन ओ सायद कार्की मिलके तयार पारल हुइट ।
अलोक शुक्लासे खिच्ना फिल्महे भीम विश्वकर्मा सम्पादन कैना बाटै । जोन इहीसे आघे फिल्म ‘बाह्र सत्ताइस’ के निर्देशन करल रहिट । इ चलचित्रके निर्माता केदार भुषाल रहल बाटै, कलेसे फिल्ममे अनुज हमाल कार्यकारी निर्मातामे रहल बाटै ।
