थप १३ सय ४७ जाने कोरान संक्रमित

काठमाडौं, २३ भदौ । बिटल २४ घण्टामे थप एक हजार ३ सय ४७ जहनमे कोरोना संक्रमण डेखाइल बा । स्वास्थ्य तथा जनसंख्या मन्त्रालयके नियमित कोरोना मिडिया ब्रिफिङमे ९ हजार ७६७ जहनके पीसीआर परीक्षण करलमे १ हजार ३४७ ओ ३ हजार ६८८ जहनमे एन्टिजेन परीक्षण करलमे २ सय ९३ जहनमे संक्रमण डेखाइल हो ।

यीसँगे नेपालमे कोरोनासे संक्रमित हुइनाके संख्या ७ लाख ७३ हजार ५२९ पुगल बा । अस्टेक, २४ घण्टामे २ हजार १६१ जाने ठिक हुके घर लौटल बटैं । देशभर हालसम कोरोनासे ठिक हुइनाके संख्या ७ लाख ३३ हजार १६१ पुगल बा ।

२४ घण्टामे कोरोनासे थप १० जहनके मृत्यु हुइल मन्त्रालय जनैले बा । नेपालमे हालसम कोरोनासे मृत्यु हुइनाके संख्या १० हजार ८८९ पुगल बा ।

देशभर सक्रिय संक्रमितके संख्या २९ हजार ४७९ बा । अस्टेक २५६ जाने क्वारेन्टाइनमे रहल मन्त्रालय जनैले बा ।