तीन जाने मृत फेला

पहुरा समाचारदाता
धनगढी, २४ भदौ । कैलालीके धनगढी उपमहानगरपालिका–१, शिवनगर बैठना ३१ वर्षीय सन्तोष थापा घरसे करिब ५० मिटर दुर सडकके नालामे बिफेक रोज मृत अवस्थामे फेला परल बटै ।

घरसे नेंगल उहाँ नइलौटलपाछे खोजी कैना क्रममे उ नालीमे उहाँक शव फेला परल हो ।

ओस्टेक अछाम जिल्ला मंगलसेन नगरपालिका–६ सिस्नेणी बैठना ७० वर्षीया दुरा भण्डारी उहे नगरपालिका ठुलासेनस्थित पाना भण्डारीके पसलके कोठामे सुतलमे बिफेक मृत अवस्थामे फेला परल बटी ।

ओस्टेक दार्चुला जिल्ला मार्मा गाउँपालिका–४ लिउडेखोला बैठना ३३ वर्षीय तारा सिंह धामी उहे ठाउँस्थित परमसे धामीके घरेम बिफेक रोज मृत अवस्थामे फेला परल बटी ।

घरसे काम बिशेषसे लटिनाथ बजार जैम कहिके नेंगलमे नइलौटलपाछे खोजी कैना क्रममे उ घरेम उहाँक शव फेला परल हो ।