थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १५ चैत २६४७, बिफे ]
[ वि.सं १५ चैत्र २०८०, बिहीबार ]
[ 28 Mar 2024, Thursday ]

बच्चादानी फुटल महिलाके सफल अप्रेशन

पहुरा | २५ भाद्र २०७८, शुक्रबार
बच्चादानी फुटल महिलाके सफल अप्रेशन

पहुरा समाचारदाता
धनगढी,२५ भदौ ।
बच्चादानी फुटलके पेटभिटर रगत बहटी रहल महिलाके निसर्ग हस्पिटल एण्ड रिसर्च सेन्टरमे सफल अप्रेशन करल बा ।
पुनर्वास नगरपालिका–३ कञ्चनपुरके २६ बर्षिया मन्जु तामाङ गर्भवती रहिट । गर्भ रहल आठ महिनामे एक्कासी उहाँक पेट ओ छातीमे काटाँसे घोचल जस्टे हुइलपाछे उहाँहे परिवारके और सदस्यहुक्रे धनगढीके एक अस्पतालममे नानल रहिट
पहिलेसे उहे अस्पतालमे चेकजाँच करटी रहल मन्जुहे औषधी करेबेरफे सञ्चो नइहुइल ओ झन ढेर पिडा हुई लागलपाछे निसर्ग हस्पिटलमे आइल मन्जुके ससुइया मिनिमाया तामाङ बटैली ।
पटुहिया छटपटैटी रहल डेखके बहुट आफट हुइल रहे । जैसिक टैसिक मनहे दरो बनाके अप्रेशन कक्ष बाहेर बैठल रही एकछिन पाछे डाई ओ बच्चाके अबस्था सामान्य बा अपनेक नाटिनीय हुइल बा कहलपाछे भर मन ठोरिक सान्त हुइल मिनिमाया तामाङ कहली ।
मन्जुके बच्चादानी फुटके रगत बहटी रहे, ठोरिक ढिला हुइट टे समयमे उपचार नइपाके बच्चादानी टे फेके परट । डाई ओ बच्चाके ज्यानफे जाई सेक्ना अबस्था रहल उपचारमे संलग्न स्त्री तथा प्रसुति रोग विशेषज्ञ डा.नज्मुस्वा अन्सारी बटैली । डाईहे बेथाफे नइलागल ओ यिहीसे पहिले कौनोफे अप्रेशन नइरहल यैसिन केसमे पाठ्यघर फुटन कहल एकदम कम हुइल ओ आजसमके अनुभबमे यी पहिल भेटल डा. अन्सारी बटैठै ।
सल्यक्रियासे सुत्केरी कराइल ओ अब्बेक डाई ओ बच्चा दुनुके स्वास्थ्य स्थिति मजा हुइलपाछे हस्पिटल आज उहाँहे घर पठाइल बा ।
डा.अन्सारीसे चिकित्सा क्षेत्रमे दुर्लभ ओ जटिल मानल अप्रेशन समेत निसर्ग हस्पिटलमे करटी रहल बटै । हस्पिटलके सेवा सुबिधाके क्रमहे सुधार करटी देशमे उत्कृस्ट हस्पिटल बनैना ब्यवस्थापन, चिकित्सक सहितके टोली मेहेनत करटी रहल हस्पिटलके अध्यक्ष तिर्थराज पन्त बटैलै

जनाअवजको टिप्पणीहरू