थप १०८६ कोरोना संक्रमित, १० के मृत्यु
काठमाडौं, १ कुँवार । बिटल २४ घण्टामे नेपालमे १ हजार ८६ जहनमे कोरोना भाइरस संक्रमण डेखाइल बा । स्वास्थ्य मन्त्रालयके अनुसार ८ हजार ६६५ पीसीआर परीक्षणमे शुकके रोज थप १ हजार ८६ जहनमे संक्रमण पुष्टि हुइल हो । यी सँगे नेपालमे कोरोना भाइरससे संक्रमित हुइनाके संख्या ७ लाख ८३ हजार ७५ पुगल बा ।
अस्टेक एन्टिजेन विधिसे करल ३ हजार ७२० परीक्षणसे ४७२ जहनमे पोजिटिभ डेखाइल बा । २४ घण्टामे पीसीआर ओ एन्टिजेन विधिसे करल १२ हजार ३८५ परीक्षणमे १ हजार ५५८ जहनमे संक्रमण पुष्टि हुइल मन्त्रालय जनैले बा ।
बिटल २४ घण्टामे थप १ हजार ३५१ जाने संक्रमणमुक्त हुइल बटैं । हालसम ठिक हुइनाके संख्या ७ लाख ४६ हजार ५६६ रहल बा । नेपालमे कोरोना संक्रमणसे थप १० जहनके मृत्यु हुइल बा । हालसम कोरोनासे मृत्यु हुइनाके संख्या ११ हजार १२ पुगल बा ।
हालसम देशभर ४० लाख ७७ हजार २५६ नमुनाके पीसीआर परीक्षण हुइल बा । क्वारेन्टाइनमे २३६ जाने रहल बटैं कलेसे आइसोलेसनमे रहल संख्या २५ हजार ४९७ बा ।
कोरोना संक्रमित महिलाके मृत्यु
बाँकेमे कोरोना संक्रमणसे एक जाने महिलाके मृत्यु हुइल बा । बाँकेके कोरोना फोकल पर्सन तेज ओलीके अनुसार कञ्चनपुरके पुनर्वास नगरपालिका–५ की ५८ वर्षीया महिलाके मृत्यु हुइल हो ।
भदौ २९ गते अस्पतालमे भर्ना हुइल महिलामे भदौ ३० गते संक्रमण पुष्टि हुइल रहे । भेरी अस्पतालमे उपचारके क्रममे उहाँक शुकके सकारे ११ः३० बजे मृत्यु हुइल उहाँ बटैलै ।
