एमालेके अवरोधबीच दुई विधेयक पारित
पहुरा |
७ आश्विन २०७८, बिहीबार
काठमाडौं, ७ कुँवार । प्रमुख प्रतिपक्षी दल नेकपा (एमाले) के विरोधके बीच प्रतिनिधिसभामे दुई विधेयक पारित हुइल बा । प्रतिनिधिसभाके बैठकसे ‘विनियोजन विधेयक, २०७८’ ओ राष्ट्र ऋण उठैना विधेयक, २०७८’ हे बहुमतसे पारित करले हो ।
अर्थमन्त्री जनार्दन शर्मा आजके बैठकमे उ दुई विधेयक पारित करजाए कहिके प्रस्ताव प्रस्तुत करले रहैं ।
यीआघे बैठकमे सभामुख अग्निप्रसाद सापकोटा राष्ट्रपतिके कार्यालयसे प्राप्त मन्त्रिपरिषद् गठनसम्बन्धी पत्रके व्यहोरा पह्रके सुनैले रहैं ।
बैठकमे प्रतिनिधिसभाके सचिव गोपालनाथ योगी ‘विनियोजन विधेयक, २०७८’ के सम्बन्धमे राष्ट्रियसभासे प्राप्त सन्देशके जानकारी करैले रहैं ।
प्रतिनिधिसभाके औरे बैठक यिहे कुँवार ११ गते दिनके २ बजे बैठि ।