थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ११ कार्तिक २६४५, बिफे ]
[ वि.सं ११ कार्तिक २०७८, बिहीबार ]
[ 28 Oct 2021, Thursday ]
.

क्याम्पस विकासके लाग अन्तरक्रिया तथा छलफल

पहुरा | ७ आश्विन २०७८, बिहीबार
क्याम्पस विकासके लाग अन्तरक्रिया तथा छलफल

पहुरा समाचारदाता
धनगढी, ७ कुँवार ।
कैलालीके धनगढी उपमहानगरपालिका वडा नम्बर १८ फूलवारीस्थित फूलवारी महुमुखी क्याम्पसके विकासके लाग टमान व्यक्तित्वसंग अन्तरक्रिया तथा छलफल करल बा ।

क्याम्पसके भौतिक पूर्वाधार, शैक्षिक गुणस्तर लगायतके विषयमे राजनीतिक दल, जनप्रतिनिधि, समाजसेवी, वुद्धिजीवी लगायत अग्रज व्यक्तित्वहुक्रनसे छलफल करल हो । ओहे बिच बुधके सुदूरपश्चिम प्रदेशके सामाजिक विकास मन्त्री लालबहादुर खड्का, सुन्दर सुदूरपश्चिमके अभियन्ता गोपाल हमाल, शिक्षा विकास निर्देशानालयके निर्देशक गणेशबहादुर सिंह, जिल्ला समन्वय समिति सदस्य देवी भण्डारी, वडा नम्बर १४ के वडाध्यक्ष रामबजारी, वडा नम्बर १८ के मुरारी अधिकारी लगायत व्यक्तित्वहुक्रन बिच अन्तरक्रिया करगिल रहे ।

अन्तरक्रिया तथा छलफलसे जयनन्द भट्टके संयोजकत्वमे धनगढी उपमहानगरपालिका वडा नम्बर १४ मे ४१ सदस्यीय क्याम्पस सहयोग उपसमिति गठन करल बा ।

ओस्टके कुँवार ५ गते कैलारी गाउँपालिकाके गदरियामे वडा नम्बर ६ ओ ९ के संयुक्त भेला कैके अन्तरक्रिया कार्यक्रम सम्पन्न हुइल बा । क्याम्पस सञ्चालक समितिके अध्यक्ष रमेशकुमार बस्नेतके अध्यक्षतामे हुइल कार्यक्रममे सुदूरपश्चिम प्रदेशके उद्योग, वन, वातावरण तथा पर्यटन मन्त्री मान बहादुर धामी बर्का पहुना रहल रहिट ।

कार्यक्रममे जनता समाजवादी पार्टी नेपालके केन्द्रीय सदस्य तथा समाजसेवी होरीलाल चौधरी, नेकपा माओवादी केन्द्रके सुदूरपश्चिम प्रदेश सदस्य डिएल भण्डारी, जनता माविके अध्यक्ष रामसमझ चौधरी लगायतके सहभागिता रहल रहे ।

उहे छलफल कार्यक्रमसे बसन्त चौधरीके संयोजकत्वमे ३३ सदस्यीय क्याम्पस सहयोग उपसमिति गठन करगिल रहे । छलफल तथा अन्तरक्रियामे सहभागी सक्कु व्यक्तित्वहुक्रे क्याम्पस विकासके लाग आपन सेक्ना सहयोग रहना प्रतिवद्धता जनाइल रहिट ।

जनाअवजको टिप्पणीहरू