सुदूरपश्चिममे २१ संक्रमित ठप्लै, एक जानेक मृत्यू
पहुरा समाचारदाता
धनगढी, ९ कुवाँर । सुदूरपश्चिम प्रदेशमे पछिल्का २४ घण्टामे ठप २१ जनहनमे संक्रमण पुष्टि हुइल बा ।
सामाजिक विकास मन्त्रालय स्वास्थ्य निर्देशनालयसे डेहल जानकारी अनुसार शनिच्चरके रोज एन्टिजेन ओ आरटी पिसिआरके जाँचसे २१ जनहनमे संक्रमण पुष्टि हुइल हो । पछिल्का २४ घण्टामे ८ सय ५७ जाने एन्टिजेन जाँच ओ १ सय ८७ जानेक आरटी पिसिआर जाँच करल रहल रहे । एन्टिजेन जाँचमे कोईफे संक्रमिट नइडेखल रहिट कलेसे आरटी पिसिआर जाँचमे २१ जनहनमे कोरोना संक्रमण पुष्टि हुइल मन्त्रालय जनैले बा । ओस्टेक पछिल्का २४ घण्टामे प्रदेशमे एक जाने अछामके २८ बरसके एक पुरषके भेरी अञ्चल अस्पतालमे उपचारके क्रममे ज्यान गैल बा ।
ओस्टेक करके पछिल्का २४ घण्टामे ९५३ जनहनमे कोरोना भाइरस संक्रमण पुष्टि हुइल बा । स्वास्थ्य तथा जनसंख्या मन्त्रालयके अनुसार ७०५० पीसीआर परीक्षणमे ७९० ओ ३५२९ एन्टिजेन परीक्षणमे १६३ जाने करके ९५३ जनहनमे संक्रमण पुष्टि हुइल हो ।
कोरोना संक्रमणके कारण पछिल्का २४ घण्टामे ६ जनहनमे मृत्यु हुइल बा । कलेसे १३७१ जाने संक्रमणमुक्त हुइल बटै ।
कोरोना भाइरसके सक्रिय संक्रमितके संख्या १९ हजार ७०० बा, जौन मन्से १८ हजार ३४० जाने होम आइसोलेसनमे बटै कलेसे ओस्टेक १३६० जाने संस्थागत आइसोलेसनमे बटै । कोरोना भाइरसके कारण हालसम मृत्यु हुइलके संख्या ११ हजार ८७ पुगल बा ।
पछिल्का २४ घण्टामे काठमाडौंमे १९८, ललितपुरमे ७३, भक्तपुरमे ४०, कास्कीमे ७०, सुनसरीमे ५५, मोरङमे ५४, झापामे ३२, सुर्खेतमे ७३ ओ रुपन्देहीमे ३५ जाने संक्रमित भेटल बटै ।
ओस्टेक चितवनमे २४, गोरखामे १६, मकवानपुरमे ११ जनहनमे संक्रमण पुष्टि हुइल मन्त्रालय जनैले बा ।
