थारू म्युजिक भिडियो ‘जिया मोर लागेना’ के धमाधम छायांकन
पहुरा समाचारदाता
धनगढी, ११ कुँवार । हमार म्युजिक बगिया लावा थारू म्युजिक भिडियो ‘जिया मोर लागेना’ लन्ना तयारी करले बा ।
भिडियोके अब्बे टीकापुर पार्क लगायत टमान ठाउँमे धमाधम छायांकन हुइटी रहल बा । डसै, डेवारी ओ छठहे लक्षित कैके लाने लागल भिडियोमे थारु समुदायके सखिया, मुंग्रह्वा लगायतके कल्चरल नाचगानहे समेटल बा । लोप हुइटी रहल थारू लोक कला गीतबासहे संरक्षण सम्र्वद्धन ओ प्रमोट कैना उद्देश्यसे म्युजिक भिडियोमे कल्चरल थारु नाचकोर समेटल फेरु चौधरी बटैलै ।
रोमन्टिक गीत ‘जिया मोर लागेना’ मे बने लागल म्युजिक भिडियोमे देवदास ओ रितु चौधरीके मोडलिङ रहल बा । गीतके शब्द फेरु चौधरी ओ संगीत समिक्षा चौधरीके रहल बा । रियाज स्टुडियोमे रेकर्डिङ हुइल गीतमे बिजय चौधरी समिक्षा चौधरी ओ संगीता चौधरीके स्वर रहल बा । गीतके एरेन्जर पुस्कर खत्री करले बाटै ।
म्युजिक भिडियाके निर्देशन सुधराम दहित करले बाटै कलेसे क्यामेरामे बिहारी दहित ओ मनोज चौधरी रहल बाटै । मेकअपमे सानु कुश्मी रहल बाटी । म्युजिक भिडियो डसैसे आघे बजारमे अइना जनाइल बा ।
