थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १६ चैत २६४७, शुक्कर ]
[ वि.सं १६ चैत्र २०८०, शुक्रबार ]
[ 29 Mar 2024, Friday ]

चैत ५ गतेभिटर स्थानीय तहके चुनाव कैना आयोगके सिफारिस

पहुरा | ८ कार्तिक २०७८, सोमबार
चैत ५ गतेभिटर स्थानीय तहके चुनाव कैना आयोगके सिफारिस

काठमाडौं, ८ कार्तिक । निर्वाचन आयोगसे अइना चैत ५ गतेभिटर स्थानीय तहके चुनाव कैना सरकारसंग सिफारिस करले बा । सोम्मार प्रधानमन्त्री शेरबहादुर देउवासंगके छलफलके क्रममे आयोगसे चैत ५ भिटर स्थानीय तहके निर्वाचन कैना सिफारिस करल हो ।

स्थानीय तहके सक्कु पदाधिकारीके कार्यकाल अइना जेठ ५ गते ओरैटी बा । २०७४ वैशाख ३१ मे चुनाव हुइल ७ दिनसे गणना करेबेर कार्यकाल जेठ ५ गते सेक्ना डेखल आयोगके कहाई बा ।

कार्यकाल सेकल ६ महिनाभिटर चुनाव करे पर्ना संविधानमे लिखलेसेफे निर्वाचनसम्बन्धी कानुनमे म्याद सेक्नासे दुई महिनाआघे चुनाव करे पर्ना कना हुइल ओरसे जेठ ५ आघे चुनाव करे पर्ना डेखल ओरसे उहे अनुसार सिफारिस हुइल प्रमुख निर्वाचन आयुक्त दिनेशकुमार थपलिया जानकारी डेलै । यी बारे सरकारसे उपयुक्त निर्णय कैना आश्वासन देउवा आयोगहे डेले बटै ।

यिहेबीच स्थानीय तहके रिक्त जनप्रतिनिधिहुकनके पदपूर्ति कैना अब स्थानीय तहके उपनिर्वाचन करे नइपर्ना हुइल बा । स्थानीय तहके कार्यकाल ढेर बाँकी नइरहल ओरसे आब उपनिर्वाचन करे नइपर्ना आयोग बटाइल हो । मने प्रदेश ओ प्रतिनिधिसभाके रिक्त सांसदके विषयमे उपनिर्वाचन कैना का कैना कना विषयमे भर आयोगसे सरकारके धारणा मागल बा ।

जवाफमे प्रधानमन्त्री देउवासे दलहुकनसंग छलफल करके यी बारे निर्णय लेना बटाइल बटै । ओस्टेक आयोग राष्ट्रियसभाके फागुनसे रिक्त हुइना २० पदमे अइना माघके पहिल साता निर्वाचन कैना प्रस्ताव करले बा ।

जनाअवजको टिप्पणीहरू