क्षेत्र नम्बर ३ के क्षेत्रीय सभापतिमे चौधरी

पहुरा समाचारदाता
धनगढी, ८ अगहन । कैलाली जिल्लाके निर्वाचन क्षेत्र नम्बर ३ के नेपाली कांगे्रसके क्षेत्रीय सभापतिमे रिताकुमारी चौधरी प्यानल सहित विजयी हुइल बटै । प्रतिद्वन्द्वी गोकेन्द्र भण्डारीहे १ सय ५५ मतसे पराजित करटी चौधरी सभापतिमे निर्वाचित हुइल हुइट । चौधरी ३ सय ८ ओ भण्डारी १ सय ५३ मत प्राप्त करल हुइट ।

ओस्टेक सचिवमे सुरेश हमाल ओ रमेश चौधरी निर्वाचित हुइल बटै । कार्यसमितिके सहसचिवमे कलकबहादुर सिंह ओ ध्वज हरिपाल बोहरा निर्वाचित हुइल बटै । केन्द्रीय महाधिवेशन प्रतिनिधि मतगणनाके आधिकारिक घोषणा हुइना बाँकी बा ।