थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १६ चैत २६४७, शुक्कर ]
[ वि.सं १६ चैत्र २०८०, शुक्रबार ]
[ 29 Mar 2024, Friday ]

भजनी बाढ पीडितके लाग राहतके प्याकेज नानबः प्रचण्ड

पहुरा | ८ मंसिर २०७८, बुधबार
भजनी बाढ पीडितके लाग राहतके प्याकेज नानबः प्रचण्ड

पहुरा समाचारदाता
भजनी, ८ अगहन ।
नेपाल कम्युनिष्ट पार्टी (माओवादी केन्द्र) के अध्यक्ष पुष्पकमल दाहाल ‘प्रचण्ड’ भजनी बाढ पीडितहुकनके लाग राहतके प्याकेज नन्ना आश्वासन डेले बटै ।

बुधके रोज भजनी नगरपालिकाके नवनिर्मित भवन उदघाटनके क्रममे बोल्टी बारबार बाढके कारण यहाँ धनजनके क्षति हुइल कहटी बाढ प्रभावित क्षेत्र घोषणा करटी राहतके प्याकेज डेहुवाइक लाग विशेष पहल कैना उहाँ बटैलै । हुलाकी सडक अन्र्तगत कन्द्रा लडियामे १० बरससे अलपत्र पुलके लाग सम्बन्धित मन्त्रालयमे तदारुकताके साथ काम कैना पहल कैना उहाँ बटैलै ।

राजनितिक प्रसङमे बोल्टी अध्यक्ष दाहाल कहलै, ‘मै टे एक ठो सपना डेखले रहु । कम्न्यूष्टहुकन एक करलपाछे देशमे राजनितिक स्थायित्व हुई, देशके विकास हुई, सामाजिक न्याय हुइना कहल रहे ।’ केपी ओलीहे दुई दुई चो अपने प्रधानमन्त्री बनाइल मने उहाँ नायक नाही खलनायक निकरल अध्यक्ष बटैलै ।

विर सहिद जोखन रत्गैया, विनोद चौधरीहे सम्झटी उहाँके बलिदानीसे सामानुपतिक समावेशीके व्यवस्था हुइल ओ संवैधानिक परिषद थारु आयोग बनल दाबी करलै । भजनी नगरपालिकाके नवनिर्मित भवनके उदघाटन करटी मिनि सिंहदरवार खडा हुइल मने सर्वसाधारणहुकन गुणस्तर सेवा आवश्यक रहल उहाँ बटैलै । भजनी नगरपालिकाके नवनिर्मित भवन उदघाटनके वडका पहुना रहल अध्यक्ष प्रचण्डहे नगर प्रमुख शेर बहादुर चौधरी भजनी नगरके समस्या समेटल ज्ञापनपत्र बुझैले रहिट ।

ओस्टेक बुधके सकारे धनगढी विमानस्थलमे आयोजित पत्रकार सम्मेलनमे बोल्टी उहाँ नेपाल कम्युनिष्ट पार्टी (माओवादी केन्द्र) के अध्यक्ष पुष्पकमल दाहाल ‘प्रचण्ड’ सत्तारुद्ध दलहुकनबीचके संयन्त्रसमझदारी ओ सम्बन्ध बल्गर बनैना बनल बटैलै । उहाँ कहलै–‘यी संयन्त्र सरकारहे निन्त्रण कैना वा दबाव डेहक लाग बनल नइहो । गठबन्धन पार्टीहुकनबीचके समझदारी मजा ओ बल्गर बनाइक लाग बनल हो ।’ उहाँ संयन्त्र सरकारसे उप्पर नइरहलफे स्पष्ट परलै ।

सत्तारुढ दलहुकनबीचके गठबन्धन अइना चुनावसम रहन प्रचण्डके कहाई रहे । पूर्व प्रधानमन्त्रीसमेत रहल उहाँ बाहेर गठबन्धनके विरोध हुइटी रहेलेसेफे भिटरे भिटर सक्कु पार्टीसे गठबन्धन चहटी रहल बटैलै ।

अध्यक्ष प्रचण्डे तीन तहके निर्वाचन एक साथ हुई पर्नामे जोड डेलै । ‘तीन तहके निर्वाचन एक साथ हुइलेसे खर्च कम हुई,’ उहाँ कहलै । पत्रकारके जिज्ञासाके जवाफमे प्रचण्डसे अदालत स्वतन्त्र निकाय रहल ओ यकर गरिमा रहे पर्ना उल्लेख करलै । उहाँ सर्वोच्चमे डेखल गतिरोध समाधान हुइना ओ सकारात्मक निर्णय अइनामे अपने आशावादी रहल बटैलै । ‘यदि, ओसिन नइहुलेसे गठबन्धनसेफे समस्या समाधानके लाग पहलकद्मी भूमिका निर्वाह करी, उहाँ कहलै ।

ओस्टेक करके, एमसीसीके विषयमे सक्कुहुनसंग सल्लाह करके आघे बढना अध्यक्ष प्रचण्डके कहाई रहे । उहाँ सुदूरपश्चिम प्रदेश सरकार तत्काल परिवर्तन नइहुइना कहटी हालके सरकारहे आउर तदारुकताके साथ काम कैना आग्रह करलै ।

जनाअवजको टिप्पणीहरू