थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ११ माघ २६४५, मंगर ]
[ वि.सं ११ माघ २०७८, मंगलवार ]
[ 25 Jan 2022, Tuesday ]

१५ औं वार्षिक साधारणसभा तथा सार्वजनिक सुनुवाई

पहुरा | १८ मंसिर २०७८, शनिबार
१५ औं वार्षिक साधारणसभा तथा सार्वजनिक सुनुवाई

जीवन चौधरी
पहलमानपुर, १८ अगहन ।
ग्रामीण कृषक बहुउद्देश्यीय सहकारी संस्था लिमिटेड पहलमानपुरके १५औं बार्षिक साधारणसभा तथा सार्वजनिक सुनुवाई कार्यक्रम शनिच्चरके रोज हुइल बा ।

कार्यक्रमके वडका पहुना घोडाघोडी नगरपालिका वडा–१० के अध्यक्ष भीम बम रहल रहिट । संस्थाके १५औं बार्षिक साधारणसभा तथा सार्वजनिक सुनुवाई कार्यक्रमके उदघाटन करटी उहाँ मलखाद नइपाके कृषक जग्गा बाँझ छोरे पर्ना अवस्था आइल बटैलै । स्वदेशमे रोजगारी सृजना हुई नइसेकलपाछे नेपाली यूवा विदेशमे काम करे पर्ना बाध्य हुइल ओरसे स्थानीयस्तरसे पहल कैना जरुरी रहल बटैलै ।

मोहन्याल बचत तथा ऋण सहकारी संस्था लिमिटेडके अध्यक्ष बजिरसिंह बम सहकारीहुकनहे नियम, कानून ओ अनुशसानमे रहिटके बार्षिक गतिविधि प्रस्तुत करे पर्ना आग्रह करलै ।

कार्यक्रममे बुलबुले सामुदायिक बन उपभोक्ता समुहके अध्यक्ष खडक बुढा सामुदायिक वन, कृषि सहकारी, लघुवित्त संस्थासे जनता निराश हुइल बटैलै । ओस्टेक दिगो बातावरण सहकारी संस्थाके उपाध्यक्ष प्रेमराज सापकोटा, बुलबुले बहुमुखी क्याम्पसके बल रोकाया लगायत मन्तव्य व्यक्त करले रहिट ।

संस्थाके कोषाध्यक्ष रेवती मल्ल शाह ८८ लाख ४३ हजार ८ सय ४१ रुप्या ८६ पैसाके आयव्यय प्रस्तुत करले रहिट । कार्यक्रमके संचालन सचिव संस्थाके सचिव निरक बम ओ स्वागत सदस्य यम पोखरेल करले रहिट ।

जनाअवजको टिप्पणीहरू