नवजीवन सहकारीके अध्यक्षमे बम विजयी
पहुरा समाचारदाता
धनगढी, १ चैत । कैलालीके धनगढीस्थित नवजीवन सहकारी संस्थाके २८ औं साधारणसभासे अध्यक्षमे देवबहादुर बम विजयी हुइल बटैं । अध्यक्षके औरे उम्मेदवार रतनबहादुर कठायतहे पराजित कैके बम विजयी हुइल हुइट् ।
नवजीवन सहकारी संस्थामे २९ हजार ५ सय ७७ शेयर सदस्य रहलमे गिरल १७ हजार ८० मतमध्ये बम ८ हजार ३९१ मत पैलैं । प्रतिद्वन्द्वी कठायत ७ हजार ८३ मत पैलैं । ओस्टेक, उपाध्यक्षमे चेतराज ओझा निर्वाचित हुइल बटैं । सदस्यमे ईन्दिरा जैशी, उत्तम जोशी, गोपालराज पाठक, केशवराज मिश्र, महेशराज बिष्ट, घनबहादुर शाह विजयी हुइल बटैं । ओस्टेक, उपेन्द्र बिष्ट, शिवकुमार जोशी, गणेश बम, जयराज जोशी, विश्वनाथ ओझा फेन सदस्यमे विजयी हुइल बटैं ।
ओस्टेक, लेखा सुपरिवेक्षण समितिके संयोजकमे चेतराज जोशी, सदस्यमे गणेशप्रसाद उपाध्याय ओ लक्ष्मीराज पन्त निर्वाचित हुइल बटैं । नवजीवन सहकारी २०५० सालमे स्थापना हुइल रहे ।